Asosiasaun nasional produtór fini komersiál primeiru iha Timor-Leste

Timor-Leste estabelese ona nia asosiasaun nasional primeiru ba  Produtór Fini Komersiál (PFK) no noméia membru komisaun Ezekutivu nain haat durante asembléia jerál PFK nian hala’o iha Marsu fulan klaran.

Asosiasaun ne’e estabelese ho naran Asosiasaun Nasionál Produtór Fini Komersiál (ANAPROFIKO) neebe sai hanesan organizasaun sumbriña atu salva guarda direitu no interese husi PFK 58 ne’ebé foin dadaun rejista atu produs fini komersiál iha Timor-Leste.

Iha deskursu durante loke serimónia asembléia ne’e Eng. Estanislao Aleixo da Silva, Ministro foun ba Agricultura e Pescas, kongratula ba estabelesimentu ANaProFiKo.

Minister Estanislau emphasized the importance of producing quality seed In his speech during the assembly © Yessy Betty/Seeds of Life

Minister Estanislau emphasized the importance of producing quality seed In his speech during the assembly © Yessy Betty/Seeds of Life

“Hau kontente tebes no hau kongratula imi hotu-hotu ba hamosu inisiativa ida ne’e para atu forma asosiasaun nasionál ba PFK tanba importante tebes atu proteze no defende direitu no interese agrikultór sira nian.”

“Ita presiza asosiasaun nasionál ida ne’e para bele hapara importasaun fini. governu fó apóiu máximu ba asosiasaun no sei prioritiza kompra fini husi produtór lokál.”

Iha nia deskursu, Ministro mos enfatiza importánsia husi produs fini kualidade di’ak.

“Fini kualidade di’ak ne’e importante tebes. Fini di’ak ne’e signifika produsaun di’ak. Di’ak para atu kompra no di’ak ba nasaun. Wainhira ita iha ona fini kualidade di’ak neebe sufisiente maka iha posibilidade ita bele esporta fini iha tempu oin mai,” tenik nia.

“Ita presiza asosiasaun nasionál ida ne’e para bele hapara importasaun fini. governu fó apóiu máximu ba asosiasaun no sei prioritiza kompra fini husi produtór lokál.”

ANaProFiKo sei fó konselu kona-ba asuntu hirak neebe relasionadu ho fini no sei kontinua atu fó apóiu neebe makaas liu tan ba implementasaun Polítika Fini Nasionál (PFN) Timor Leste no sistema fini nasionál estabelese husi MAP-SoL ho parseiru kalobarativa sira seluk.

Asembléia hili reprezentante ida husi munisípiu 12 (la inklui Oecusse) atu serve hanesan Executive Board ba ANaProFiKo no membru Ezekutivu nain 4 neebe kompostu husi Prezidente, Vice Prezidente, Sekretáriu no Tizouréiru atu lidera no implementa atividade husi asosiasaun nasionál ne’e.

Representatives from 58 CSPs participated the general assembly © Yessy Betty/Seeds of Life

Representatives from 58 CSPs participated the general assembly © Yessy Betty/Seeds of Life

Joanico Jose Ximenes, Prezidente eleitu, haktuir katak Komisaun Ezekutivu sei serbisu makaas atu garante realizasaun objetivu jerál husi ANaProFiKo.

“Ami promete atu rona agrikultór sira-nia lian, serve sira-nia interese no garante katak PFK produs fini kualidade di’ak husi variedade kualidade di’ak neebe lansa husi MAP atu responde ba demanda fini nasionál.

“Ami mos sei garante katak ami nia atividade sei kontribui ba Polítika Fini Nasionál, Sistema Fini Nasionál no Sistema Fini Munisipál.”

Leave a Reply

You must be logged in to post a comment.