Enseramentu Programa Seeds of Life – Fini ba Moris

SoLTeam1Enseramentu Programa Seeds of Life – Fini ba Moris

Mezmu atividade hotu-hotu Seeds of Life (SoL) nia sei remata iha fin de Juñu 2016, ligadu husi programa SoL nain kontinua nafatin. Fundasaun husi Sistema Fini Nasionál Timor-Leste estabelese tiha ona no tenke kontinua hodi fornese familia agrikultór sira iha nasaun laran ho asesu seguru no tuir tempu loloos ba fini kualidade di’ak husi variedade ai-horis oin 19 ne’ebé lansa ona ofisialmente.

Mezmu ami sei la públika artigu foun, publikasaun ka mapa, imi bele kontinua asesu ba rikusoi informasaun no rekursu sira ne’ebé programa prepara tiha ona iha tinan 15 nia laran dezde hahu iha fulan Novembru 2000, inklui asesu ba relatóriu peskiza barak, estudu espesiál no mapa barak ne’ebé disponível iha SoL website iha tinan balun nia laran.

Ida ne’e hanesan viajen ida ne’ebé kapaas tebetebes no ami agradese bo’ot ba funsionáriu tomak MAP nian, no parseiru dezenvolvimentu sira iha sistema fini nasionál ne’ebé fasilita ami atu sai parseiru ida iha imi nia esforsu atu harii Timor Leste hanesan nasaun joven forte.

Obrigado wain!

Leave a Reply

You must be logged in to post a comment.