Roadshow2Iha tan prosesu laran:  Seeds of Life kontribui ba Aflatoxin road show.

Produs ai-han kualidade di’ak ba merkadu

Obrigado ba peskiza foun husi SoL no Sydney University, agrikultór Timorense iha tempu badak sei fa’an batar kualidade di’ak ba kompaña lokál, Timor Global, hodi produs produtu ai-han. Teste foun lais ba Aflatoxin sei garante katak ai-han ne’ebé sosa ba konsume no prosesa ba produtu ai-han núdar ai-han ne’ebé seguru.

Iha tinan 6 ikus Timor Global kuaze importa ona batar atu produs “Timor Vita” iha sira-nia fábriku iha Railaco. Timor Vita ne’e depois distribui ba teritóriu laran tomak ba labarik no inan isin rua sira, hodi asegura nutrisaun di’ak. Ida ne’e halo husi batar no foremunggu, ho aditivu hodi halo sai ai-han nutritivu.

Ai-han batar ne’ebé importa ho garantia katak lívre husi beneno Aflatoxin ne’ebé perigu, maibé ai-han ka batar lokál ladún iha garantia. Atu garante katak Timor Global bele sosa ai-han/batar ne’e husi agrikultór lokál  no lívre husi Aflatoxin, sira presiza métodu rápidu no asesível atu koko ai-han batar iha fatin ne’ebé sira sosa ba. Ida ne’e agora posivél ho introdusaun husi “Aflatoxin Quick test” foun.

Seeds of Life ho Sydney University hatudu ona katak quick test bele sukat aflatoxin ho loloos iha sample batar no forerai iha Timor Leste. Sample rekolla iha Timor laran tomak durante tinan tolu nia laran sukat tiha ona uja quick test no métodu standard HPLC. Peskiza ida ne’e hatudu ona katak maizumenus ida iha sample batar 15 kontem Aflatoxin liu husi parte 20 por bilaun, nível seguru máximu ba konsume.

Aflatoxin Quick test produs rezultadu iha minutu 30 no bele halo iha laboratóriu ne’ebé simples liu. Ida ne’e mos presizu ou los hanesan métodu kímiku kleur ne’ebé uja HPLC.

Aflatoxin Quick test demonstra ona ba agrikultór sira iha “Quality Grain Road show” semana ida ne’e.  Road show ne’e loke husi Ministru da Agrikultura i Peskas iha Fahilebu iha Segunda feira dia 27 de Juñu 2016. Lansamentu halo iha uma rai fini grupu Produtór Fini Komersiál Naroman nian. Tinan kotuk Naroman produs maizumenus fini kualidade di’ak tonelada 20. Tanba fini tenke hili nia musan bo’ot antes fa’an, sira mos produs kuantidade signifikante husi musan ne’ebé ladún  bo’ot uja ba ai-han. Grupu sira hanesan ne’e bele fasil atu fa’an ai-han batar ba Timor Global.

“Quality Grain Road show” suporta husi Timor Global, Ministériu da Agrikultura I Peskas, MDF, UNDP no Seeds of Life.

Leave a Reply

You must be logged in to post a comment.