Ministro agrikultura foun: “produsaun di’ak presiza fini di’ak”

Ministro foun ba Ministério da Agricultura e Pescas, Estanislau da Silva, elojia programa MAP-SoL ba ajuda familia agrikultór Timorense atu produs ai-han barak liu tan.

“Seeds of Life (SoL) hanesan programa ne’ebé importante tanba avalia no koko variedade foun hodi hadi’a produsaun fini. Produsaun di’ak presiza fini di’ak.”

His Excellency Estanislau da Silva speaking at his first MAF-SoL project management team meeting © Yessy Betty/Seeds of Life

H.E. Estanislau hato’o liafuan hirak ne’e iha reuniaun trimestre Ekipa Jestaun da Programa iha dia 20 de Fevereiru. Ida ne’e hanesan nia involvimentu primeiru ho programa ne’e depois de toma fali kárgu hanesan Ministro iha VI Governo Konstitusionál.

Iha nia deskursu ba Director MAP Nasionál no Munisípiu sira katak programa ne’e importante tebes atu hasa’e produsaun agríkula iha Timor-Leste.

“Objetivu husi SoL mak atu produs fini iha nasaun laran no depois organiza agrikultór sira atu fa’an fini ba sira seluk. Ou karik sira laiha kapasidade atu sosa fini maka governo bele sosa no distribui hodi ajuda agrikultór sira seluk.

“Ida ne’e sei muda kondisaun agrikultura subsisténsia ba kondisaun agrikultura hatama rendimentu no mos ita bele iha ai-horis variedade oioin hodi kuda,” tenik nia.

Nia apresia ekipa MAP-SoL no Governo Australia ba sira-nia asisténsia hodi ajuda sidadaun no Governo Timor-Leste.

Australian Team Leader John Dalton with the National Director of Research Adalfredo © Yessy Betty/Seeds of Life

Ministro Estanislau troka Ministro Mariano Assanami Sabino ne’ebé toma kárgu hanesan Ministro da Agricultura e Pescas husi fulan Agostu 2007 to’o Fevereiru 2015.

Progresu prinsipál ne’ebé atinji durante periódu Ministro Assanami nian mak hanesan lansamentu ba Sistema Fini Nasionál ba Variedade Ne’ebé Lansa iha tinan klaran 2013, ne’ebé hanesan dalan ida atu garante agrikultór sira hodi hetan asesu seguru ba fini kualidade aas iha tempu kuda.

Sentrál husi ida ne’e mak kriasaun Polítika Fini Nasionál iha fulan Marsu 2013, lansa Timor Leste nia Laboratóriu Fini Nasionál primeiru iha fulan Maiu 2013, no forma Konsellu Fini Nasionál iha fulan Setembru 2014.

Former Minister Mariano Sabino Assanami hands Seed Officer Coordinator Dorilanda da Costa Lopes her certificate at the inauguration of the National Seed Laboratory in May 2013 © Alva Lim/Seeds of Life

Hamutuk ho inisiativa hirak ne’e sei ajuda no garante katak antes fin de Programa SoL iha fulan Juñu 2016 maizumenus 50% husi umakain agrikultór ne’ebé produs ai-han sei rotinamente uja no asesu ba variedade ai-horis kualidade di’ak.

Ministro Estanislau fila-fali mai iha nia pozisaun hanesan Ministro da Agricultura e Pescas iha tempu antes wainhira independénsia hotu tiha iha tinan 2002 ne’ebé nomeadu hanesan Ministro da Agricultura Floresta e Pescas primeiru. Nia toma pozisaun ida ne’e durante tinan lima nia laran no depois atua hanesan Primeiru Ministro husi fulan Maiu to Agostu 2007 antes Sr. Xanana Gusmao.