Sentru produsaun ai-farina kain 11 disponível iha teritóriu laran atu fornese ai-farina kain fresku
Depois de batar ho hare, ai-farina núdar ai-han prinsipál terseiru ne’ebé importante mos ba familia agrikultór Timorense. Mezmu nune’e, dalaruma agrikultór sira iha difikuldade asesu ba nia fini (ai-farina kain) husi variedade produsaun aas ne’ebé lansa husi MAP-SoL iha Sistema Fini Nasionál.
Atu responde ba prekupasaun ida ne’e, MAP-SoL fó apóiu ona ba grupu komunidade no individual sira atu estabelese sentru produsaun ai-farina kain iha munisípiu Aileu, Ainaro, Baucau, Covalima, Dili, Ermera, Lautem ho Liquiça.
Lista ba sentru prosusaun ai-farina kain bele hetan iha ne’e
“Maioria husi sentru produsaun hirak ne’e maneija husi grupu produsaun fini komunidade no dalaruma mos husi agrikultór individual,” tenik Leoneto Pedro Hornai, MAP-SoL Nasional Koordenador ba Fini Komunidade.
“Sentru hirak ne’e sei fornese ai-farina kain fresku husi variedade produsaun aas ne’ebé lansa tiha ona hanesan Ai-luka 2 o Ai-luka 4 ba agrikultór sira ne’ebé interesadu iha munisípiu idaidak,” nia aumenta.
Grupu komunidade GenderKomunidade Hun Besik ne’be hala’o sentru produsaun ai-farina kain ih Atauro © Yessy Betty/Seeds of Life
Hanesan mos ho sentru produsaun fehuk midar kain 31 (fornese fehuk kain husi variedade Hohrae 1, 2 ho 3) ne’ebé estabelese iha tinan kotuk. Sentru produsaun ai-farina lokál hirak ne’e sei hadi’a agrikultór sira-nia asesu no hamenus kustu, tempu no distánsia ne’ebé presiza ba distribuisaun.
“Liu husi sentru produsaun ai-farina kain fresku hirak ne’e bele fó asesu besik liu tan ba agrikultór sira. Sira la presiza atu dúvida tan kona-ba distribuisaun tarde ou rísku estragus ba ai-farina kain wainhira transporta husi fatin do’ok.”
“Liu husi sentru produsaun ai-farina kain fresku hirak ne’e bele fó asesu besik liu tan ba agrikultór sira. Sira la presiza atu dúvida tan kona-ba distribuisaun tarde ou rísku estragus ba ai-farina kain wainhira transporta husi fatin do’ok.”
“Aleinde ne’e, sentru produsaun mos ajuda hasa’e konsiénsia ba variedade kualidade di’ak hanesan Ai-luka 2 ho Ai-luka 4 ne’ebé produs 65% liu variedade lokál, no sei ajuda mantein fonte husi variedade hirak ne’e wainhira programa SoL remata iha tinan oin mai,” tenik Leoneto.
Labarik feto fase ai-farina isin Ia-luka ba konsumu uma laran nian © Yessy Betty/Seeds of Life
Sentru produsaun ai-farina kain iha munisípiu 11 agora dadaun nia area total kuaze 4.3ha no husi ne’e bele potensialmente produs ai-farina kain liu husi 500,000 iha epoka kuda tinan tuir mai. Kuantidade ai-farina kain ida ne’e bele uja ba kuda iha area ho luan liu husi 50ha ba produsaun ai-han.
Grupu habarak fini komunidade ida iha Atauro, Gender Unidade Hun Besik, maneija o.5 ha sentru produsaun ai-farina ne’ebe sei kolleita iha tempu besik mai.
“Ida ne’e mak permeira vez ami kolleita ai-farina kain husi sentru produsaun. Ami espera bele hetan produsaun di’ak no ami sei distribui ba familia agrikultor iha Atauro,” tenik chefi group Alice XImenes Soares.
“Ami sei fa’an de’it nia kain ba agrikultor sira hodi kuda. Nia tahan no isin ami uza ba hahan uma laran ni’an.”
Sentru produsaun ai-farina kain hirak ne’e funsiona ho sistema ne’ebé hanesan ho sentru produsaun fehuk midar kain. Umakain vulnerável sira bele hetan nia kain uja billete ka vouchers no agrikultór sira seluk ne’ebé hakarak atu kuda variedade Ai-luka 2 ho Ai-luka 4 bele kontaktu sira-nia ofisiál estensaun/estensionista ka Koordenadór Fini Komunidade iha ofísiu MAP munisípiu.
