Sentru habarak fehuk midar kain 60 halo ona operasaun iha distritu 13
Agrikultór sira hakarak kuda fehuk midar variedade kualidade di’ak Hohrae 1, 2 ho 3 ne’ebé agora dadaun nia kain disponível iha sentru habarak fini 60 iha distritu 13 nia laran tomak.
Seeds of Life (SoL) iha Ministério da Agricultura e Pescas (MAP) estabelese ona sentru hirak ne’e hodi hamenus tempu no distánsia ne’ebé presiza atu lori fehuk nia kain antes to’o agrikultór sira.
Ofisiál Apóiu Fini Komunidade, Luis Gonzaga haktuir katak fehuk nia kain fasil atu sai maran/namlaik no la adekuadu iha tempu entre sira koileta no kuda fila-fali.
“Tempu kleur liu atu lori/transporta nia kain ba agrikultór sira, sei fó rísku bo’ot liu ba nia kain atu hetan estragus ne’ebé aumenta oportunidade ba failansu ai-horis,” tenik nia.
“Liu husi estabelesimentu sentru habarak iha sub-distritu ne’ebé besik liu ba agrikultór sira maka ita aumenta oportunidade fehuk kain atu moris di’ak wainhira kuda.”
A farmer in Bazartete, Liquica, weeding in his sweet potato production plot © Alexia Skok/Seeds of Life
Total área husi sentru habarak fehuk kain hirak ne’e mak hektár neen, signifika bele produs kain milaun 3.84 lokalmente tinan-tinan. Wainhira estabelese ona ho susesu iha agrikultór sira-nia to’os maka hirak ne’e iha potensialidade atu produs maizumenus fehuk midar tonelada 480.
“variedade hirak ne’e produs rezultadu produsaun dóbru iha tempu metade (fulan 3-4) kompara ho fehuk midar variedade lokál ne’ebé presiza tempu (fulan 6-8)”
Benefísiu seluk husi aumenta distribuisaun sentru habarak fehuk kain mak agrikultór sira bele hetan fehuk kain kualidade di’ak regularmente tuir tempu ne’ebé presiza durante tinan tomak nia laran, tenik Buddhi Kunwar, SoL’s Community & Commercial Seed Development Advisor.
“Fehuk kain primeiru bele koileta maizumenus iha fulan rua nia laran, depois de sentru habarak fehuk kain inisialmente estabelese, maka fehuk kain tuir fali bele foti depois de kada fulan rua.
“Ida ne’e signifika agrikultór barak liu sei bele atu hetan asesu ba fehuk kain kualidade di’ak husi variedade Hohrae 1, Hohrae 2 ho Hohrae 3 no variedade hirak ne’e produs rezultadu produsaun dóbru iha tempu metade (fulan 3-4) kompara ho fehuk midar variedade lokál ne’ebé presiza tempu (fulan 6-8),” tenik nia.
Estratéjia MAP-SoL nian iha aproximasaun ida ne’e mak estabelese métodu distribuisaun ne’ebé sustentável, kustu-menus no desentralizadu iha distritu idaidak ne’ebé ofísiu MAP iha distritu idaidak bele ajuda hanesan parte ida husi Sistema Fini Distritu.
This maps shows where the sweet potato production centres are located in each district (click to view full size)
Buddhi esplika katak sistema la’o liu husi sentru habarak fini ho bee irigasaun iha Sentru Peskiza MAP Betano ho Loes no iha Armazen Fini Triloka no Sentru Treinamentu ne’ebé tinan-tinan fornese fehuk kain ne’ebé iha kualidade no lívre husi moras ba sentru sub-distritu ne’ebé bee disponível atu garante fehuk kain bele estabelese iha fulan Outubru hodi produs fehuk kain kualidade aas para bele kuda durante tempu udan.
“Estensionista suco sei diretamente rekolla fehuk kain husi sentru sub-distritu no distribui tuir oráriu antes ba Grupu Komunidade Habarak Fini (GKHF) no agrikultór sira ne’ebé hetan apóiu husi ONG sira bazéia ba demanda ne’ebé iha.
Buddhi Kunwar speaks with the chief of Mofo group in Ulmera, Bazartete, Liquica, about his sweet potato production plot © Alexia Skok/Seeds of Life
“Umakain vulnerável mos sei simu fehuk kain liu husi sistema voucher/billete.”
Iha planu atu habelar númeru total viveirus to’o 70 iha fin de tinan ida ne’e.
Modelu desentralizadu ida ne’e troka métodu distribuisaun antes, ne’ebé involve MAP-SoL transporta fehuk kain husi sentru 5 ba GKHF no agrikultór sira iha distritu 13 nia laran.
“Iha tempu kuda tinan 2013-14, MAP-SoL distribui fehuk kain liu husi 500,000 ba agrikultór sira iha distritu 13 nia laran tomak,” tenik Buddhi.
“Ida ne’e hanesan esforsu lojístiku ne’ebé bo’ot ho involve númeru veíkulu ne’ebé barak no mos kondutór durante semana hirak nia laran, espesialmente wainhira tenke mantein fehuk kain boko hela deit.
“Agora, fasil ba agrikultór sira atu hetan asesu ba fehuk kain no hamenus rísku ba fehuk kain atu hetan estragus no ladún adekuadu wainhira entrega ba sira”
Luis esplika katak agrikultór ho sira seluk bele hetan garantia kona-ba fehuk nia kualidade kain tanba koordenadór husi sentru produsaun desentralizadu hirak ne’e hetan ona treinamentu husi MAP-SoL.
“Hanorin sira kona-ba oinsa atu kuda, hamoos du’ut, rega no mantein fehuk midar no halo kontaktu regular ho sira-nia Koordenadór Fini Komunidade Distritu ne’ebé fó mos konselu ba sira.
“Adisionalmente sentru hirak ne’e lutu haleu hotu ne’ebé bele muda kada tinan rua to’o tolu, asesu siguru ba bee no staff hodi maneija viveirus fehuk midar,” tenik nia.
Many farmers have ponds like this one to water their sweet potato plants regularly © Alexia Skok/Seeds of Life
