Udan kontinua tau iha teritóriu laran mezmu menus iha fatin balun hanesan Baucau, Covalima no Liquiça. Fatin seluk hanesan iha Betano no Viqueque iha parte kosta do súl hetan udan been ne’ebé di’ak.

Agora ita haree hanesan tama ona ba fin de tempu udan espesialmente iha parte kosta do norte hanesan iha Oecusse no Atauro ne’ebé hetan deit udan been uitoan.

Iha agrikultór barak mak kolleita ona sira-nia ai-horis ou besik ona atu kolleita. Udan been balun kuaze di’ak iha parte kosta do súl durante primeiru metade iha fulan Maiu no ida ne’e bele kauza ema balun kuda tan batar. Háre kontinua kuda iha fatin barak iha Timor-Leste.