Presija hadi’a produsaun agríkula no asesu di’ak liu ba merkadu, rezultadu estudu Monash

Sávi atu hadi’a vida moris umakain agrikultór iha Timor-Leste mak tenke hadi’a produsaun agríkula no habelar asesu ba merkadu, bazéia ba estudu iha tinan 2014 husi Universidade Monash.

Atividade hirak hanesan ne’e sei fasilita familia agrikultór sira atu produs ai-han sufisiente hodi responde ba sira-nia nesesidade báziku, atu hetan benefísiu husi eskala ekonómiku no atu hamenus lakon ne’ebé akontese iha pós-koileta liu husi fa’an sira-nia produsaun fini ne’ebé liu/surplus iha tempu ne’ebé loloos.

Lee relatoriu iha Tetun

Pubreza no umakain agrikultura iha Timor-Leste: Padraun no estudu puzzle balun (Inglés ou Tetun), lansa iha fulan Juñu 2014, uja dadus detallu umakain nian hodi analiza oinsa seitór agrikultura fó influénsia ba vida moris no responde ba nesesidade báziku iha Timor-Leste.

Iha ne’e deskobre katak mayoria umakain agrikultór ne’ebé tama iha subsisténsia, nia eskala-agrikultura ki’ik “produtividade agríkula menus makaas”. Umakain hirak ne’e típikamente produs ai-han la sufisiente atu responde ba nesesidade báziku, produs hamutuk no fahe sira-nia ai-han, la partisipa iha merkadu formal no iha esperiénsia nível aas kona-ba lakon ne’ebé akontese iha pós-koileta.

Rezultadu hatudu katak “proporsaun aas husi ai-han ne’ebé produs la konsumu hotu”. Iha kuantidade uitoan deit husi ai-ha ne’ebé produs mak fa’an ba merkadu, ne’ebé sujere katak “relativamente proporsaun aas ne’ebé hetan sei fahe informalmente ba umakain sira seluk”. Ida ne’e atribui ba merkadu formal ne’ebé menus ba produtu hotu-hotu iha area barak.

Relatóriu deskobre katak fonte rendimentu afeta injestaun ai-han. Hasa’e “rendimentu husi fa’an ai-han iha nia impaktu bo’ot liu: rendimentu dollar estra interpreta ba sentavus 87 husi ai-han ne’ebé barak liu atu konsumu.” Espesifikamente ida ne’e rezulta iha konsumu modo, na’an no ikan, ne’ebé fó proteina no nutriente sira seluk.

This farming family in Baucau districts sells sweet potatoes at a roadside stall © Yessy Octaviana/Seeds of Life

Surprezamente, ai-han prinsipál hanesan batar no fós la responde barak ba aumenta rendimentu. Ida ne’e sujere katak “fornese asesu di’ak liu ba merkadu lokál ba ai-han ne’ebé produs iha rai laran sai hanesan sávi atu hadi’a konsumu ai-han no diversidade ai-han”.

Bazéia ba rezultadu hirak ne’e, maka relatóriu ida ne’e husu atu kontinua halo dezenvolvimentu agrikultura iha area rurais Timor-Leste nune’e bele fó di’ak ba “ema Timor-Leste, liuliu ba jerasaun ida agora no ba jerasaun iha tempu oin mai”.

Farmers in Viqueque shell their Utamua peanut seed in preparation for bagging © Yessy Octaviana/Seeds of Life

Seeds of Life saúda apelu atu halo dezenvolvimentu agríkula iha Timor-Leste

Seeds of Life (SoL) saúda relatóriu kona-ba rekomendasaun, ne’ebé inklui hadi’a produtividade ai-han, haforte merkadu lokál no estabelese korente fornesimentu fíziku.

SoL serbisu ona hakat ba objetivu hirak ne’e, liu husi involve atividade neen tuir mai:

1. Kontinua peskiza variedade ai-horis produtivu hanesan – batar, hare, forerai, ai-farina no fehuk midar – hodi aumenta ba variedade oin 12 ne’ebé lansa ona husi Ministério da Agricultura e Pescas. Variedade hirak ne’e iha nia vantajen produsaun 24-131% liu variedade sira seluk, ne’ebé ajuda umakain agrikultór atu hasa’e sira-nia produsaun hodi responde ba sira-nia nesesidade báziku.

2. Variedade MAP nia kria oportunidade negósiu foun ba familia agrikultór sira, tanba ne’e mak hamosu demanda aas ba inputs no hasa’e produtór sira-nia rendimentu. Exemplu hanesan produs ai-farina (kripik) husi variedade Ai-Luka, fa’an fehuk midar tahan, no fa’an forerai Utamua iha merkadu lokál.

3. Ministério da Agricultura e Pescas, ho apóiu husi SoL, estabelese ona Sistema Fini Nasionál ba Variedade Ne’ebé Lansa atu fornese familia agrikultór sira ho asesu seguru ba variedade fini kualidade di’ak iha tempu koileta.

4. SoL enkoraja prátika armazenamentu pós-koileta ne’ebé di’ak liu ho apóiu husi IFAD nia programa distribuisaun bidon ho matan ba komunidade rurais sira liu husi fornese kada benefisiáriu ho pakote fini batar kualidade di’ak no booklet kona-ba prátika agrikultura di’ak.

5. SoL serbisu hamutuk ho produtór fini komersiál 57 iha distritu hotu-hotu hodi mantein kualidade fini ne’ebé konsistente, liga sira ho kompradór sira, ajuda estabelese atividade rai no empresta osan no treina sira iha planeamentu negósiu – buat hotu-hotu ne’ebé esensiál ba dezenvolvimentu merkadu agrikultura rurais.

6. Loja agrikultura sanulu resin neen estabelese ona husi SoL iha distritu hotu-hotu hodi fornese familia agrikultór sira ho asesu di’ak ba fini husi variedade kualidade di’ak no input agrikultura nian. Loja hirak ne’e fó fatin ida tan ba agrikultór sira atu bele fa’an sira-nia produsaun ne’ebé liu/surplus.

Atividade hirak ne’e fó apóiu profunda ba SoL nia objetivu atu hadi’a seguransa ai-han liu husi hasa’e produtividade ai-han prinsipál.