Agrikultór nia perspetiva no esperiensia fahe durante konferénsia TimorAg2016

Francisca iha nia toos ai-farina ho variedade oi-oin

Sra. Fransisca Magdalena Pinto husi Maliana hanesan ida husi partisipante liu 200 ne’ebé partisipa iha konferénsia loron-2 realiza iha Otél Novo Turismo. Nia istória anima tebes audiénsia sira no halo sira kuaze involve.

Francisca hamutuk ho Presidente ba Feto PNG iha Dezenvolvimentu Agrikultór, Crawford Fund no Jurnalista husi Australia

Nia serbisu hamutuk ho programa MAP-SoL dezde tinan 2009,  ne’ebé iha inísiu nia hanesan agrikultór ida ba Teste no Demonstrasaun iha To’os (OFDT) kuda variedade fehuk midar no ai-farina. Depois de ne’e nia sai hanesan produtór kontratadu MAP nian ne’ebé kuda fini sertifikadu no agora ativu hanesan membru ba Produtór Fini Komersiál (PFK) iha grupu naran ‘Unidade Sameclot’.

Rezultadu produsaun di’ak nia hetan husi variedade ne’ebé lansa husi MAP la’os deit fornese ai-han sufisiente ba nia familia maibé mos fasilita nia hodi kontribui ba familia nia rendimentu. Nia bele kobre kustu edukasaun oan sira nian no kompra material hodi hadi’a nia uma no sosa motor. Nia apresia tebetebes ho apoiu ne’ebé nia hetan husi staff MAP no espera katak Sistema Fini Nasionál sei kontinua atu fornese fini di’ak husi variedade ai-horis produtivu mezmu programa SoL remata ona nia misaun.

Nia serbisu makaas no susesu ne’ebé hetan inspira familia sira seluk iha komunidade nia le’et. Nia hakarak atu enkoraja joven sira hodi bele involve aan iha atividade agrikultura embora iha rai barak mak sei abandona hela iha teritóriu laran.

Leave a Reply

You must be logged in to post a comment.