Ai-horis sabór diak oin lima tuir mai
MAP-SoL lansa ona varidade ai-horis oin 11 durante tinan 5 ikus, no kontinua buka varidade foun husi ai-horis sira seluk. Tuir mai hanesan ai-horis sabór diak ne’ebé agora dadaun ita halo peskiza ba:
Hare mean
Hare mean kuaze kuda iha Timor Leste durante tinan atus ba atus nia laran no dalabarak uza iha serimónia kulturál barak. Durante tinan rua ikus iha kanteru peskiza nia laran, SoL identifika ona hare mean produsaun-aas hodi bele ajuda agrikultór sira atu kuda hare mean sabór diak barak liu tan.
Fehuk midar kór roxo
Fehuk midar kór roxo hanesan fehuk ne’ebé ita ladún haree, maibe bele fa’an ho folin diak. Seeds of Life koko fehuk midar oioin, balun haruka mai husi rai liur no balun husi rai laran. Ida husi varidade hirak ne’e mak fehuk midar kór roxo nabilan ne’ebé aumenta kór ba kualker matabisu dadersan. Rezultadu husi peskiza inísiu hatudu katak varidade ida ne’e kuaze ema buka barak iha merkadu no agrikultór sira sente gostu wainhira han.
Foremunggu
Foremunggu hanesan ai-han ne’ebé iha proteina-aas ne’ebé halo sabór gostu hanesan sasoro no riku-nutrisaun. SoL halo testu ba foremunggu típu oioin ne’ebé kuaze la hanesan, maibe ema gosta los. Iha foremunggu típu oin rua: balun ho nia kulit musan nabilan no balun ho kulit musan nakukun. Em jerál, varidade ho kulit nabilan diak ba moris no varidade ho kulit nakukun diak ba han hanesan sasoro. Seeds of Life iha varidade oin rua (ida nabilan no ida seluk nakukun) ne’ebé prontu atu koko hamutuk ho agrikultór sira. Mai ita haree hamutuk ida ne’ebé mak agrikultór sira gosta liu.
Koto mean
Soupa koto mean hanesan ai-han adisionál ne’ebé diak ba kualker Timorense nia hahan. Koto mean kuda iha parte aas Maubisse nian no jeralmente kuda iha área ho elevasaun liu husi metru 1,000. Koto mean nakonu ho proteina no minerais, ne’ebé halo ai-horis ida ne’e hanesan suplementu ideál ba ai-han. Seeds of Life identifika ona varidade aseitavel ne’ebé fó produsaun aas. Hirak ne’e sei koko hamutuk ho agrikultór sira iha tinan ida ne’e.
Wing bean/Duhaen
Seeds of Life mos promove wing bean/duhaen ne’ebé hanesan fonte prinsipál ba nutrisaun. Wing bean/duhaen hanesan ai-han fuik iha parte leste husi teritóriu laran no hanesan ai-horis ida ne’ebé ladún barak iha fatin seluk. Wing bean/duhaen ema hanaran “supermerkadu kain ida” tanba pratikamente bele han nia parte tomak. Parte hirak ne’e mak inklui nia funan, tahan, musan no abut. Testu foin dadaun identifika wing bean/duhaen produtivu ne’ebé bele fornese musan ho kulit (polong) barak ou musan mos (biji) ba nutrisaun ne’ebé diak liu.
