Aprezentasaun mapa rai iha Konferénsia Rai

Rai hanesan fundasaun ba agrikultura no tinan 2015 sai hanesan Tinan Internasionál ba Rai nian. Seeds of Life (SoL) hola parte iha Konferénsia Rai organizadu husi Food & Agriculture Organization (FAO) iha Dili, Timor-Leste iha fin de Jullu atu aumenta konsiénsia kona-ba kestaun rai iha agrikultura.

Samuel Bacon, SoL Cropping Systems Advisor, halo aprezentasaun ida dijitalizasaun levantamentu rai iha Timor Leste. Dadus ne’e depois uja hodi produs mapa “Rai Timor-Leste, 2015” neebe fornese introdusaun ida ba típu rai jerál neebe deskobre iha teritóriu laran.  mapa ne’e mos aumenta konsiénsia kona-ba determinante seluk ba produtividade agrikultura hanesan sekuénsia rai, pH, iron no menus zinc, rai lolon no hidrojeolojia.

Mapa nasional ba rai ne'e sei hasai iha tempu badak hodi bele download no print

Mapa nasional rai ne’e sei hasai iha tempu badak hodi bele download no print

Sesaun peskiza iha SoL halo revizaun maiór ba dadus dijitalizasaun neebe kontem iha publikasaun ho títulu “OsSolos de Timor” dezenvolve husi Sientista Portugueza iha tinan 1960.

Dadus ida ne’e dijitalizadu husi departamentu ALGIS iha MAP, Universidade Hawaii no sira seluk. Dadus ida ne’e estensivumente verifika husi Ted Griffin, peritu levantamentu rai husi Western Australia no ajustamentu halo husi kompaña mapeamentu lokál, TMap.

“Mapa ida ne’e iha tebes benefísiu atu identifika no kompriende kona-ba testura rai iha kada fatin iha Timor-Leste. Ida ne’e sei ajuda makaas Ministériu da Agrikultura e Peskas atu halo planu distribuisaun ba fini ka kestaun relasionadu  seluk neebe sei bazeadu ba mapa ne’e, bazéia ba informasaun rai”

Total poligonu rai oioin 208 mak mapeadu uja dadus husi fatin teste rai 286. Husi dadus ida ne’e, SoL bele ona kria mapa rai nasionál ida ho foto ka  paizajen típiku iha kada rai prinsipál no asosiasaun jeolojia.

Karaterístiku prinsipál mapa bazeadu ba testura rai no mos indika area hirak neebe ho fatuk. Mapa ida ne’e formalmente aprezenta ba Vice Ministru da Agrikultura e Peskas, Marcos da Cruz iha Konferénsia Rai iha leten.

“Rai importante tebes ba ema nia moris. Mapa ida ne’e iha tebes benefísiu atu identifika no kompriende kona-ba testura rai iha kada fatin iha Timor-Leste. Ida ne’e sei ajuda makaas Ministériu da Agrikultura e Peskas atu halo planu distribuisaun ba fini ka kestaun relasionadu  seluk neebe sei bazeadu ba mapa ne’e, bazéia ba informasaun rai, la’os bazéia ba pedidu oioin,” tenik Vice Ministru.

© Yessy Betty/Seeds of Life

Samuel Bacon, the SoL Cropping Systems Advisor, made a presentation of the digitization of the soil survey of Timor Leste © Yessy Betty/Seeds of Life

Iha konferénsia ne’e nia laran Dr. Claudino N Nabaish husi FAO Timor-Leste haktuir katak halo ona peskiza ba rezultadu konservasaun teknolojia agrikultura liu husi kolaborasaun ho MAP iha Timor- Leste no Patrick Gerard Niemeyer husi University of Hawaii deskuti no aprezenta rezultadu neebe espera husi aplikasaun konservasaun agrikultura iha Timor Leste.

Hetan informasaun rai

Seeds of Life iha tempu badak sei lansa dadus rai nian no mapa rai nasionál para bele download.  Hirak ne’e inklui:

  • Pájina excel ida kona-ba dadus rai dijitalijadu
  • Mapa Rai Nasionál Timor-Leste iha rezolusaun kualidade imprimi
  • Arkivu forma prinsipál rai para bele uja ho GIS software
  • Kamada interativu Google Earth ida neebe fornese dadus teste rai iha teritóriu laran tomak
  • Pakote kompletu kona-ba Informasaun iha nível Suco

Hare peskiza seluk kona ba klima no rai

Leave a Reply

You must be logged in to post a comment.