Asosiasaun Agrikultór Primeiru ne’ebé rejistu sai hanesan Produtór Fini Komersiál 

Asosiasaun agrikultór tolu husi distritu Baucau ho Liquiça mak hanesan asosiasaun primeiru ne’ebé ofisialmente rejistu sai Produtór Fini Komersiál tuir Sistema Fini Nasionál ba Variedade ne’ebe Lansa (SFNVL).

Asosiasaun agrikultór hirak ne’e simu sira-nia sertifikadu rejistrasaun husi Ministériu da Agrikultura no Peska iha Jullu fulan klaran. Sertifikadu ne’e fó lisensa ba sira atu produs no fa’an fini komersiál  tuir Orientasaun MAP nian, no kontrola husi Departamentu Fini MAP, fa’an hanesan fini komersiál ho “label loloos” (truthfully labeled) ba agrikultór sira seluk, organizasaun non-govermentais (ONG), negosiante fini komersiál, no governu Timor-Leste.

_MG_1346

Diretor Nasional Agrikultura no Holtikultura, Gil Rangel da Cruz, entrega sertifikadu Produtor Fini Komersial ba asosiasaun agrikultor na’in tolu husi distritu Liquica no Baucau.

Iha eventu aprezentasaun, Team Leader Seeds of Life (Fini ba Moris) John Dalton hateten katak ida ne’e sei hadi’a seguransa fini agrikultór sira nian no hamenus sira nia dependénsia ba fini ne’ebé importa kada tinan husi nasaun seluk, no mós ajuda Governu atinji soberania fini.

“Tanba agora asosiasaun agrikultór tolu ne’e rejistu ona sai produtór fini komersiál, maka sira nia fini komersiál tenke disponivel ba ema atu sosa no kompradór bele garante ho fini ne’e nia kualidade.

“Presu produs fini komersiál iha Timor-Leste menus husi um térsu (sepertiga) husi fini ne’ebé importa no fini ne’e nia kualidade di’ak liu tan tanba MAP bele garante kona-ba kontrolu kualidade,” nia hateten.

“Tanba agora asosiasaun agrikultór tolu ne’e rejistu ona sai produtór fini komersiál, maka sira nia fini komersiál tenke disponivel ba ema atu sosa no kompradór bele garante ho fini ne’e nia kualidade.

Asosiasaun agrikultór tolu ne’e — Naroman husi distritu Liquiça, Fitun Leste no Raimean husi distritu Baucau — sira eziste ona liu tinan rua nia laran no tinan ida ne’e kada asosiasaun produs batar médiu tonelada tolu.

Alberto Da Costa shows part of his rice he harvest from the prev

liu husi Produtor Fini Komersial sei hadi’a seguransa fini agrikultór sira nian no hamenus sira nia dependénsia ba fini ne’ebé importa

Liu husi rejistu ne’ebé Produtór Fini Komersiál halo ona, ida ne’e sai hanesan parte ikus husi komponente prinsipál haat iha Sistema Fini Nasionál, ne’ebé lansa ona ofisialmente husi MAP iha fulan Juñu tuir fali ho promulgasaun Matadalan SFNVL.

Vice Ministru MAP hateten iha eventu rejistrasaun ne’e katak dezenvolvimentu SFNVL ne’e importante tebes atu proteje agrikultór sira.

“Fini ne’e importante tebetebes, tan ne’e ita dezenvolve Polítika Fini Nasionál no agora Sistema Fini Nasionál ne’e involve setór oioin hodi garante fini iha rai laran no hamenus fini ne’ebé importa.”

SoL Team Leader John Dalton hateten katak Sistema Fini Nasionál ne’e hanesan serbisu ne’ebé MAP fornese ba agrikultór sira.

“Esénsia husi serbisu ne’e mak kontrolu kualidade atu nune’e agrikultór sira bele garante katak fini kualidade diak ne’ebé sira hetan liu husi Sistema Fini Nasionál ne’e hanesan fini ne’ebé iha kualidade di’ak duni.”

Leave a Reply

You must be logged in to post a comment.