Atualizasaun ba Estasaun Metereolójika Agro-Meteorolojia

Seeds of Life kontinua atu serbisu hamutuk ho Departamentu Agro-Metereolojia (ALGIS) iha Ministério da Agricultura e Pescas hodi hadia dadus meterolojia. Iha serbisu ida ne’e SoL mos parseria ho GIZ (husi Alemaña), Camoes (husi Portugal) no FAO Timor-Leste.

collaboration

Staff husi DNMG, Arkivu Nasionál, ALGIS, GIZ, Camoes no SoL ne’ebé serbisu hamutuk iha Loes

Hanesan parte husi kolaborasaun ida ne’e, dezenvolve ona planu nasionál foun ba agro-meteorolojia. Ida ne’e involve tau hamutuk estasaun metereolójika hirak ne’e ba iha ALGIS nia responsabilidade atu nune’e iha planu foun nia laran sira bele jere estasaun metereolójika 43 iha teritóriu laran tomak.

“Estasaun 15 husi hirak ne’ebé iha sai hanesan rede primária ne’ebé sukat udan been, temperatura, umidade relativu, velosidade anin, diresaun anin, radiasaun loromatan, umidade rai, temperatura superfísie rai no temperatura sub-superfísie rai,” tenik Samuel Bacon, Asesor MAp-SoL ba Crop Systems.

“Estasaun 28 sai hanesan parte husi rede sekundária ne’ebé sukat udan been, temperatura, umidade relativu, velosidade anin no radiasaun loromatan.”

Cosme

Cosme ho Tiago iha atualizasaun estasaun metereolójika iha Sentru Peskiza Agríkula.

measuring soil moisture

Sukat ho kuidadu no hatama metru umidade rai nian.

Durante fulan Agostu nia laran, SoL konsege atualiza/upgrade ona estasaun 5 husi hirak ne’ebé iha ba rede primária. Sei iha tan mos estasaun 2 mak atu atualiza/upgraded no 15 seluk agora operadu hanesan parte husi rede sekundária.

“Ida ne’e jere husi staff MAP ne’ebé iha talentu atu halo installasaun máximu, manutensaun, download no prosesamentu dadus. Dadus ida ne’e depois uja ba peskiza modelajen ai-horis ka crop modelling research hodi investiga posibilidade husi variedade ai-horis foun ne’ebé serve ka adapta ba klimátiku oioin iha Timor-Leste.”

SoL mos fahe dadus ne’e ba governu no organizasaun naun-Govermentais balun hodi ajuda halo sira-nia planeamentu. SoL kontinua serbisu ba oin hodi hadi’a asesu públiku ba dadus metereolojia hodi suporta dezenvolvimentu Timor-Leste.

Leave a Reply

You must be logged in to post a comment.