Aumentu udan been iha Timor Leste

Iha fulan hirak ikus, Timor-Leste hetan esperiénsia udan been ne’ebé liu médiu.

Iha mota boot (bee sa’e) rua mak akontese iha fulan Juñu iha área Viqueque ho Ainaro. Iha dia 22 de Juñu, Betano hetan udan been ne’ebé kuaze aas liu iha fulan Juñu nia laran ho kuantidade liu 270mm iha loron ida nia laran. Aumentu iha udan been ida ne’e relasionadu ho aumentu iha temperatura superfísie tasi nian (permukaan laut) iha área Timor.

Indian Ocean Dipole

Ita mos tama ona ba iha faze negativu ida husi Indian Ocean Dipole (IOD). Ida ne’e hanesan fenómena klimátiku ne’ebé akontese iha tasi Indian nian ba to’o iha parte oeste Timor nian no rezulta udan been aas liu médiu iha rejiaun Timor nian. Eventu IOD baibain hahu iha fulan Máiu ou Juñu, peaks/puncak entre fulan Agostu ho Outubru no para ho lalais. Tuir médiu, IOD negativu akontese dalahaat iha periódu tinan 30 nia laran. Ita hetan dalaida deit dezde tinan 1992, iha fin de 2010 no hamutuk ho eventu La Nina ne’ebé makaas.

Faze positivu ho negativu husi Indian Ocean Dipole hatudu mudansa iha distribuisaun udan been.  Agora dadaun ita iha faze negativu ne’ebé rezulta udan been liu médiu.

Faze positivu ho negativu husi Indian Ocean Dipole hatudu mudansa iha distribuisaun udan been. Agora dadaun ita iha faze negativu ne’ebé rezulta udan been liu médiu. Fonte: https://www2.ucar.edu/news/backgrounders/weather-maker-patterns-map-text-version

IOD Index, nota turuk/drop i ha IOD iha fin de 2010 no turuk/drop iha fulan hirak ikus ne’ebé orienta ba faze negativu.

IOD Index, nota turuk/drop i ha IOD iha fin de 2010 no turuk/drop iha fulan hirak ikus ne’ebé orienta ba faze negativu.
Fonte: http://www.bom.gov.au/climate/enso/monitoring/iod1.png

El Nino Southern Oscillation

Iha Seeds of Life ami halo ona edukasaun barak kona-ba El Nino Southern Oscillation (ENSO), fenómena klimátiku iha parte tasi pasífiku nian. Iha ona movimentu ba valór positivu husi Southern Oscillation Index (SOI), ne’ebé hanesan indikadór ida ba ENSO. Valór konsistente liu +8 bele orienta ba eventu La Nina no aumentu iha udan been. Agora dadaun nia valór neutrál no faze ida ne’e espera atu mantein neutrál durante fulan hirak oin mai.

Fonte:  http://www.bom.gov.au/climate/enso/monitoring/soi30.png

Fonte: http://www.bom.gov.au/climate/enso/monitoring/soi30.png

Presiza atu halo peskiza profunda iha tempu oin mai kona-ba dadus udan been istóriku iha Timor Leste para bele hetan komprensaun ne’ebé diak liu tan kona-ba impaktu husi IOD ba udan been. Iha kualker kazu, haree ba hanesan bokon liu tempu bailoro normal iha Timor Leste.

Atu lee liu tan eventu hirak ne’e no padraun klimátiku global bele haree iha websites tuir mai:

http://www.bom.gov.au/climate/enso/

https://www2.ucar.edu/news/backgrounders/weather-maker-patterns-map-text-version

Leave a Reply

You must be logged in to post a comment.