Ba Nata Forerai; Koko sabor iha Loes

Loron to’os nain koko sabor hanesan oportunidade ne’ebé importante ba MAP-SoL atu identifika kona-ba sabor ho preferénsia husi komunidade agrikultór Timor-Leste sira; variedade iha testu laran inklui hirak ne’ebé lansa tiha ona, hirak ne’ebé iha hela testu no demonstrasaun iha to’os (OFDTs) ou hirak ne’ebé iha faze peskiza prelimináriu.

Loron to’os nain hirak ne’e lori hamutuk kombinasaun sabor husi ema hirak ne’ebé koko: agrikultór sira, estudante, no peskizadór sira. ‘Sabor’ aprezenta ho variedade oioin husi ai-horis oioin hodi avalia nia sabor, testura, iis no konsisténsia no atu determina sira-nia preferénsia. Avaliasaun ne’ebé foin dadaun halo mak iha Sentru Peskiza Loes iha distritu Liquiça, dia 24 de Jullu. Ida ne’e tempu atu determina delisiozu husi hirak ne’ebé sabor ladiak!

Loes_Taste_Test_IVAN-2

© Ivan Lopes/Seeds of Life

Loes_Taste_Test_IVAN-3

© Ivan Lopes/Seeds of Life

 

Loron ida ne’ebé ke rame tebes ho ema nain 40 inklui estudante agrikultura nian husi Universidade Oriental Timor Lorosa’e (UNITAL), vizitante agrikultura nain tolu hanesan estudante de graduasaun husi University of Sydney, nune’e mos komunidade lokál,  agrikultór ho peskizadór sira. Antes ne’e iha meja bo’ot nia leten tau ho forerai variedade oin 13 ne’ebé prontu atu koko sabor. Prepara mos bee ba partisipante idaidak atu nune’e iha kada koko bele hemu bee hodi fase tiha ibun laran atu nune’e bele garante kada forerai iha nia sabor ketak laiha interfere.

“sira ne’e hanesan reprezentante agrikultór tanba sira mai husi distritu 13 nia laran ne’e hotu”

Iha konkluzaun husi koko ne’e husu ba partisipante sira atu entrega levantamentu kompletu no fó sai kona-ba variedade oin rua ne’ebé di’ak liu ba sira. Jeralmente, variedade MAP-SoL nian ne’ebé lansa tiha ona hanesan, Utamua, hanesan variedade favorite liu ho 35.4% husi partisipante hili nia hanesan ida husi variedade ne’ebé di’ak liu ba sira. Utamua deskreve hanesan midar no morin no sempre prova hanesan forerai ne’ebé han gostu liu iha kada loron to’os nain ne’ebé halo iha nasaun barak. Variedade oin tolu seluk mos hetan valor aas, ne’ebé ema koñese liu deit husi nia naran kódiku, rua mai husi fonte ne’ebé hanesan Utamua, the International Crops Research Centre for the Semi-Arid Tropics (ICRISAT), enkuantu ida terseiru hanesan variedade lokál.

Bele kobre sabor hotu-hotu no rona opiniaun hotu-hotu, Crop Identification and Development Advisor, Rob Williams, esplika katak partisipante sira ne’e hanesan sampel ne’ebé di’ak tanba sira hotu mai husi fatin barak iha teritóriu laran tomak, “sira ne’e hanesan reprezentante agrikultór tanba sira mai husi distritu 13 nia laran ne’e hotu”.

Forerai, orijinalmente mai husi America de Súl no Ázia ne’ebé primeiru introdus mai Timor-Leste husi ema Portugueza sira iha tinan 500 liu ba. “antes ema Portugueza sira to’os iha Timor-Leste, laiha forerai iha ne’e. La kuda tanba laiha fini”, tenik Rob, “loron ohin, forerai sai hanesan parte importante ida husi ema Timor nia ai-han loro-loron no importante tebes atu garante katak variedade ne’ebé lansa ona husi MAP-SoL nia sabor hanesan ho lokál”.

Jose da Costa Ronal Frygen, Peskizadór, bazeadu iha Sentru Peskiza Loes esplika katak Utamua orijinalmente mai husi Índia no koko ona iha sentru peskiza lima ne’ebé diferente no mos iha testu no demonstrasaun iha to’os (OFDTs) durante tinan 2005 – 2007, “Utamua iha valor produsaun aas no iha ema barak mak gosta atu han,” tenik nia.

 

 

Leave a Reply

You must be logged in to post a comment.