­Boraisa/kamardiál bele ajuda oho fuhuk iha bidon haloot fini

Karik boraisa/kamardiál bele ajuda oho ka hamate fuhuk iha bidon ne’ebé taka metin?

Ida ne’e mak peskizadór MAP-SoL buka atu responde iha fulan kotuk ba, wainhira sira lansa esperimentasaun simples ida atu kompara ou haree fuhuk nia moris depois de bidon lítru 80 rua taka metin durante loron 31.

Bidon ida nia matan bobar metin ho boraisa/kamardiál; ida seluk taka deit ho matan hanesan baibain.

“Úniku tebes,” tenik Peskizadór MAP-SoL Maria Martins, “wainhira ami loke bidon ne’ebé nia matan bobar ho boraisa/kamardiál, fuhuk iha laran mate hotu.”

“Boraisa/kamardiál ajuda taka bidon matan metin liu tan, kauza fuhuk mate tanba menus oksijéniu ,”tenik nia.

Haree video iha kraik ne’ebé peskizadór sira loke fila-fali bidon matan depois de fulan ida no aprende oinsa atu taka bidon matan ho boraisa/kamardiál.

IMG_1370

Bidon rua ne’e halo husi chapa galvanizado no uza ba testu fuhuk. Bidon ida bobar ho borasa/kamardial, bidon seluk la bobar ho borasa/kamardial. © Yessy Betty / Seeds of Life

Peskizadór MAP-SoL Leo Mauleto esplika oinsa esperimentasaun ida ne’e bele la’o di’ak.

“Ami uja bidon lítru 80 rua ne’ebé halo no uja iha illa Atauro, no ense ho batar ne’ebé ataka husi fuhuk”.

“Bidon ida nia matan bobar ho boraisa/kamardiál ida medida 50 mm no rua ho medida 10 mm no bidon ida seluk la uja boraisa/kamardiál iha nia matan.

“Bidon ne’e husik hela ba fulan ida, hahu husi dia 14 de Marsu to’o 14 de Abril 2014,”tenik nia.

Rezultadu hatudu importánsia husi fatin haloot ne’ebé tenke taka halo metin.

“Bidon ne’ebé nia matan la taka/bobar ho boraisa/kamardiál halo fuhuk moris no dada iis ho ativu. Anin sei tama nafatin, fasilita fuhuk atu sai barak liu tan no han tiha fini,” tenik peskizadór Antonio Pereira do Rego.

“Maibe bidon ne’ebé nia matan taka/bobar metin ho boraisa/kamardiál halo bidon sai metin liu tan no hamate/hapara oksijéniu ne’ebé presija husi fuhuk atu tama ba bidon laran.”

IMG_1372

Silo ne’ebe la bobar ho borasa/kamardial sei halo fuhuk moris. © Yessy Betty / Seeds of Life

“Úniku tebes,” tenik Peskizadór MAP-SoL Maria Martins, “wainhira ami loke bidon ne’ebé nia matan bobar ho boraisa/kamardiál, fuhuk iha laran mate hotu.”

Médiu familia agrikultór Timorense kuaze lakon sira-nia ai-han entre 25 ho 30% iha pós-koileta tanba hetan estraga husi laho no fuhuk.

Haloot uja bidon hanesan dalan ou maneira ne’ebé siguru atu haloot sira-nia fini ka ai-han, maibe atu hamenus lakon/estraga ne’ebé akontese iha pós-koileta maka tenke taka metin fatin haloot tuir Cropping Systems Advisor Samuel Bacon hateten.

“Tékniku ida ne’e bele adapta ba típu ne’ebé hanesan silo, importante mak tenke halo metin atu anin labele tama,” tenik nia.

“Ida ne’e hanesan métodu simples ema ne’ebé deit bele halo – buka deit mak kamardiál aat kareta nian,” tenik nia.

Bidon rua ne’e halo husi chapa galvanizado ne’ebé halo iha illa Atauro husi Grupu Trentino iha Volontariato (GTV Italy) no ONG lokál Roman Luan, ne’ebé suporta husi Província Autonomous iha Trento Italiano no Food and Agriculture Organisation (FAO).

Leave a Reply

You must be logged in to post a comment.