Distribui nutrisaun barak liu husi Marungi

Maizumenus iha ai-horis Marungi hun 10,000 liu mak kuda ona iha Timor-Leste, tuir fali Seeds of Life halo distribuisaun fini Marungi pakote 1,000 ba agrikultór sira iha fulan Novembru ho Dezembru.

Kada pakote kompostu husi fini musan 15, poly bag metan 10 no pájina  informasaun.

MAP-SoL fahe fini husi ai-horis ida ne’ebé iha nutrisaun barak ba asosiasaun agrikultór sira no mos ba grupu komunidade habarak fini hodi ajuda familia agrikultór sira atu hadi’a sira-nia nutrisaun.

seed-2 seed-3IMG_5718

“Grama ba grama Marungi iha kuantidade vitamina C ne’ebé barak liu dala 5-7 wainhira kompara ho sabraka, no vitamina A barak liu dala 4-5 wainhira kompara ho senora, no nia iron barak liu dala 3 wainhira kompara ho kangkung”

Feedback husi agrikultór sira hatudu katak pakote fini sira simu ona ho positivumente.

Asesor kona-ba nutrisaun nian, Jess Fanzo haktuir katak Marungi (Moringa oleifera) ema hanaran ou bolu ho naran ‘Ai Nia Moris’ tanba deit iha vitamina no nutrisaun ne’ebé aas inklui konteúdu antioxidant.

“Grama ba grama Marungi iha kuantidade vitamina C ne’ebé barak liu dala 5-7 wainhira kompara ho sabraka, no vitamina A barak liu dala 4-5 wainhira kompara ho senora, no nia iron barak liu dala 3 wainhira kompara ho kangkung.

“Nia tahan hanesan parte ne’ebé iha nutrisaun barak liu husi nia hun tomak no bele han hanesan kangkung ou hanesan modo tahan matak sira seluk. Nune’e mos, nia musan laran kór matak bele han,” tenik nia.

Benefísiu seluk husi Marungi mak hanesan ai-horis leguminosa/fore ne’ebé moris kleur ne’ebé sei bele moris iha kondisaun ne’ebé aat liu wainhira kompara ho ai-horis sira seluk.

Ida ne’e hanesan tempu primeira vez Seeds of Life distribui fini Marungi, haktuir husi membru SoL nian Samuel Bacon ne’ebé hahu koleksaun fini, falun no ajuda halo koordenasaun iha distribuisaun.

“Marungi kuaze tradisionalmente kuda ona iha parte balun iha Timor-Leste dezde tempu ne’ebé liu ba, maibe iha fatin barak mak kuaze lakon ona. Por exemplu, ema sira ne’ebé hela iha illa Atauro konsumi Marungi tahan loroloron hanesan fonte modo tahan matak ne’ebé fresku.

“Ai-horis ida ne’e la presiza rega, bele hasai nia tahan diretamente husi nia hun, no bele moris diak nafatin iha kondisaun rai ne’ebé maran.

“Maibe sei iha ema barak iha Timor-Leste mak la haree ou la rona kona-ba Marungi, no la hatene kona-ba oinsa nia konteúdu nutrisaun.

Seeds of Life sosa fini Marungi husi Atekru, Atauro.

Leave a Reply

You must be logged in to post a comment.