Distribuisaun fehuk midar kain ba agrikultór sira

Ministério da Agricultura e Pescas – Seeds of Life distribui ona fehuk midar nia kain liu husi 100,000 ba agrikultór ho Grupu Komunidade Habarak Fini (GKHF) iha teritóriu laran tomak, no mos ba ONG lokál ho internasionál sira.

MAP-SoL sei kontinua distribui fehuk kain husi varidade ne’ebé lansa tiha ona hanesan Hohrae 1, 2 ho 3 maizumenus kain 250,000 to’o fin de Janeiru 2014.

sp_farm-1

Sentru distrbuisaun fehuk midar jkain iha suco Ritabou, distritu Maliana

sp_farm-7

Damiao Boemau prepara fehuk midar kain husi nia toos

Asep Setiawan, Asesor MAP-SoL ba asuntu Fonte Fini no Kontrollu Kualidade, haktuir katak dezde distribuisaun hahu iha fulan Outubru tinan kotuk ba, to’o agora MAP-SoL kuaze kobre ona distritu iha teritóriu laran tomak.

Alvu husi distribuisaun ne’e mak atu aumenta nível adopsaun husi agrikultór Timorense ba varidade ai-horis kualidade diak ne’ebé lansa tiha ona husi MAP-SoL para atu bele atinji programa nia objetivu.

MAP-SoL sei kontinua distribui fehuk kain husi varidade ne’ebé lansa tiha ona hanesan Hohrae 1, 2 ho 3 maizumenus kain 250,000 to’o fin de Janeiru 2014.

Fehuk midar nia kain ne’e prepara husi Sentru Peskiza MAP-SoL tolu ne’ebé lokaliza iha distritu Baucau, Loes (Liquiça), ho Betano (Manufahi), no mos husi produtór kontratadu haat iha distritu Baucau, Bobonaro, ho Aileu.

Produtór kontratadu ida iha suco Ritabou distritu Maliana, Sr. Damião Boemau, agora dadaun prepara ona fehuk midar kain husi varidade Hohrae 1, 2 ho 3 maizumenus kain 100,000 para atu distribui ba agrikultór sira iha distritu Bobonaro.

“Ohin hau prepara ona fehuk kain 1,000 atu fahe ba agrikultór sira iha suco Ritabou,” tenik Damião , “Kada agrikultór sei simu kain 200”.

Damião sai produtór kontratadu MAP-SoL hahu iha tinan 2010. Hahu ho kanteru tolu, agora Damião iha kanteru sanulu resin rua husi varidade Hohrae 1, 2 ho 3.

Agrikultór ho grupu agrikultór, ou kualker instituisaun ne’ebé iha interese, ne’ebé hakarak atu hetan asesu ba fehuk midar nia kain bele hatama pedidu ba ofísiu MAP-SoL iha distritu, Departementu Fini MAP ou kontaktu ba Komponente SoL nian ne’ebé relevante.

1 Response » to “Distribuisaun fehuk midar kain ba agrikultór sira”

  1. […] Distribuisaun fehuk midar kain ba agrikultór sira […]

Leave a Reply

You must be logged in to post a comment.