Doasaun botas halo diak ba ain
‘Tempu bailoro’ ne’ebé bokon/dodok los, maibe iha ain barak mak maran nafatin, obrigado ba doasaun botas Hunter Boots maizumenus pár 3,000 ne’ebé fó ba agrikultór ho estensionista sira.
Seeds of Life (SoL) ho Ministério da Agricultura e Pescas (MAP) distribui botas Wellington nian iha fin de 2012 ba agrikultór sira iha grupu komunidade produsaun fini, no ba estensionista MAP ne’ebé serbisu iha kampo ho agrikultór sira.
Agrikultór sira iha Oecusse uza sira-nia botas foun
Asesor Fini Komunidade SoL, Buddhi Kunwar haktuir katak feedback kona-ba uza botas ne’e fulan neen nia laran ona kuaze positivu tebes.
“Botas ida ne’e iha kualidade aas no fasilita agrikultór ho serbidór sira husi MAP atu hasa’e sira-nia mobilizasaun iha tempu udan”.
To’o agora, Seeds of Life distribui ona botas pár 2,851:
- Pár 1,993 ba agrikultór sira iha Grupu Komunidade Produsaun Fini
- Liu pár 800 ba estensionista sira
- Pár 36 ba peskizadór sira ne’ebé halo testu no demonstrasaun iha to’os
- Pár 20 ba sentru peskiza
- Pár 2 ba estasaun meteorolójika
Koordenadór Habarak Fini Informal Distritu ne’ebé sente kontente iha Maliana
Durante tempu udan iha estrada barak, aldeia no suco barak iha Timor Leste mak hetan tahu boot.
Wainhira laiha sapatu/botas ne’ebé apropriadu maka difisil tebes ba agrikultór Timorense sira atu tau matan ba sira-nia to’os no fasil atu hetan kanek iha sira-nia ain, infesaun no moras.
Tanba ne’e, wainhira iha botas pár ho kualidade diak maka bele fó diferensa ne’ebé diak ba moris agrikultór Timorense sira-nian husi loron ida ba loron seluk.
