Doasaun Botas/Gumboot halo agrikultór sira-nia ain siguru no maran iha tempu udan

Familia agrikultór rihun ba rihun ne’ebé simu ona botas/gumboots hodi mantein sira-nia ain siguru no maran iha tempu udan wainhira halo serbisu iha to’os hato’o obrigado barak ba doasaun botas par 15,000 husi kompaña Hunter, ne’ebé hanesan kompaña botas koñesidu di’ak.

Ida ne’e halo total botas ne’ebé hetan hamutuk 18,000 ona dezde Seeds of Life simu primeiru par 3,000 iha fulan Jullu 2012.

Kualidade botas hanesan hirak ne’e ajuda tebes familia agrikultór Timorense, partikularmente durante tempu udan wainhira difisil tebes ba sira atu halo serbisu iha to’os.

“agora ita bele halo serbisu ho siguru tanba botas hirak ne’e bele prevene ami nia ain husi sama fatuk kroat no mos husi buat kroat sira seluk”

Ida ne’e mos hanesan tempu ne’ebé sira hetan sofre iha ain no hetan kanek, no mos hetan rísku infesaun no moras.

hunter_boots-16“Durante tempu udan wainhira udan been tún makaas no ami nia to’os hetan tahu makaas, difisil tebes ba ami hanesan agrikultór atu halo serbisu ho di’ak,” tenik Felisberto de Araujo, chefe de Grupu Komunidade Habarak Fini (GKHF) Rai Hun iha suco Fatukeru, Ermera.

“Hanesan agrikultór ami apresia tebes ho ajudus ida ne’e tanba ho botas hirak ne’e bele proteze ami nia ain husi ai-tarak no ai nune’e ami bele halo serbisu di’ak liu tan,” tenik nia.

Seeds of Life distribui ona botas par liu husi 10,500 husi total 15,000 ne’ebé iha:

  • Par liu husi 9,500 mak distribui ba grupu komunidade habarak fini liu husi 1,000
  • Par 500 ba ONG lokál sira ne’ebé serbisu hamutuk ho familia agrikultór hanesan RAEBIA, Fraterna, Prospek no Raumoco Watershed Management Council hodi distribui ba sira-nia grupu agrikultór
  • Par 600 ba Ministério da Agricultura e Pescas no ba staff SoL sira inklui ba estensionista sira.
This farmer from Ermera is happy to receive a pair of quality Hunter boots

This farmer from Ermera is happy to receive a pair of quality Hunter boots

Botas restu par 4,000 sei halo distribuisaun iha fin de tinan ida ne’e ba membru husi GKHF foun no mos ba familia agrikultór sira iha distritu 13 nia laran iha Timor-Leste.

Familia agrikultór sira husi Ermera ne’ebé simu botas hirak ne’e iha inísiu ano kuaze kontente tebes ho botas foun hirak ne’e.

“Hau kontente ho botas hirak ne’e tanba bele uja ba to’os no bele proteze ami nia ain husi tahu,” tenik Olga de Jesus, chefe husi grupu feto ‘Sosoer Orgániku’ iha Ermera.

Roselia Fatima, membru grupu Haburas iha Ermera, haktuir katak nia “agora bele halo serbisu ho siguru tanba botas hirak ne’e bele prevene ami nia ain husi sama fatuk kroat no mos husi buat kroat sira seluk”.

Hunter fó ajuda botas hirak ne’e ba Seeds of Life iha tórnu rua – par 8,400 iha fulan Dezembru 2013 tuir fali par 6,500 iha fulan Máiu 2014.

Doasaun primeiru botas par 3,000 ne’ebé simu iha fulan Jullu 2012 entrega ona ba grupu agrikultór sira, ofisiais estensaun no agrikultór sira ne’ebé kolabora hamutuk ho Peskizadór MAP.

These women from Ermera are delighted with their new boots, which will make working in their fields easier

These women from Ermera are delighted with their new boots, which will make working in their fields easier

Leave a Reply

You must be logged in to post a comment.