Hetan informasaun agríkula espesífiku suco nian no mapa iha ne’e: pájina informasaun suco 240 disponível agora!
Seeds of Life prepara ona pájina informasaun suco ba suco 240 iha distritu hitu nune’e bele uja ho gratuitu husi ema se deit.
Pájina relasionadu agrikultura hirak ne’e kontem informasaun espesífiku suco nian, gráfiku ho mapa ne’ebé deskreve dadus udan been, topografia, previzaun klimátiku, pH rai no hidrojeolojia.
Hirak ne’e agora dadaun disponível ba suco iha distritu Aileu, Bobonaro, Covalima, Ermera, Lautem, Liquiça ho Manufahi. Pájina informasaun ba distritu neen seluk sei kompleta iha fin do ano.
Pájina hirak ne’e produs iha lian Tetun no relativamente hakerek ho simples atu nune’e bele kompriende husi traballadór liña frente sira iha governo, ONG sira, treinadór sira nune’e mos agrikultór avansadu sira ho estudante Timorense iha universidade.
Dadus barak mak nunka fó sai antes iha formatu públiku ne’ebé bele asesu ba, espesialmente iha nível suco.
Benvindu ba imi atu download pájina informasaun barak kona-ba suco hirak ne’e tuir imi nia hakarak no print gratuitu sem pagamentu ruma.
Kada pájina informasaun kontem karaterístika tuir mai:
- Estatístika populasaun no produtu husi dadus sensus 2010
- Mapa jerál suco inklui distribuisaun populasaun hanesan umakain (uma)
- Imajen suco ho nia estrada no baliza
- Mapa zona agro-ekolójiku ida kombina ho baliza basia hidrográfika
- Gráfiku udan been ho temperatura fulan-fulan bazéia ba Worldclim modelled data
- Informasaun baze ZAE ho nia impaktu husi El Nino ho La Nina ba iha udan been fulan-fulan
- Informasaun hidro-jeolójiku ho mapa hatudu formasaun fatuk no rekursu potensiál bee nian (Geoscience Australia)
- Estatístika mudansa klimátika ho klíma nível nasionál no sub-distritu husi IPCC4
- Mapa nível sub-distritu hatudu oinsa predite klimátiku atu muda em termus de udan been tinan-tinan no médiu temperatura (gridded 1km)
- Mapa rai hatudu pH, rísku husi menus Fe & Zn no testura rai bazéia ba Portuguese O Solos De Timor
- Mapa rai lolon iha suco ho rekomendasaun ba agrikultura bazéia ba kategoria rai lolon (gridded 30m).
Mapa ho gráfiku dezeña iha rezolusaun ne’ebé di’ak atu bele print sai hanesan PDF no inklui iha imi nia relatóriu rasik, no iha dokumentu peskiza no planeamentu. Karik informasaun ne’e uja iha publikasaun seluk, favor ida hatama referénsia ne’ebé apropriadu ba Seeds of Life.
