Infográfiku: Hamenus hamlaha iha Timor-Leste

Iha agrikultór barak mak apresia tebes ho variedade kualidade di’ak Ministério da Agricultura e Pescas nian hanesan batar, hare, forerai, fehuk midar ho ai-farina tanba deit variedade hirak ne’e nia karaterístiku di’ak – produtivu, adapta ho kondisaun lokál, bele kuda fila-fali no hatudu rezultadu produsaun di’ak tuir prátika tradisionál.

Ohin loron, iha Loron Ambiente Internasionál, mai ita haree besik liu oinsa variedade oin 11 ne’ebé iha bele ajuda hamenus hamlaha iha Timor-Leste enkuantu proteze rekursu naturais ne’ebé agrikultór sira depende ba hanesan (bee, rai, ai-horis no animal) no hadi’a biodiversidade.