Istória husi agrikultór: Guilerme da Costa

Guilerme da Costa núdar agrikultór ida ne’ebé hela iha suco Bahu, Baucau, ne’ebé kuda varidade fehuk midar kualidade diak oin tolu: Hohrae 1, Hohrae 2, ho Hohrae 3.

Sr. Guilerme hahu ho fehuk midar kain 25 deit no konsege habelar kuda fehuk midar varidade Hohrae 1, 2 ho 3 iha nia to’os rua

Nia primeiru involve iha programa Seeds of Life iha tinan 2009 wainhira nia hetan konvite atu kuda varidade fehuk midar kualidade diak hanesan parte ida husi testu no demonstrasaun iha to’os.

“Nia rezultadu produsaun diak tebes, nia isin boot, no nia sabór mos diak tebes”

Iha inísiu nia simu fehuk kain 25 hodi kuda iha nia kanteru laran.

Husi kuantidade uitoan ne’ebé nia hahu kuda iha tinan haat liu ba, Sr. Guilerme agora kuda fehuk midar varidade oin tolu iha nia to’os rua tanba deit nia hetan rezultadu ne’ebé diak tebes.

“Hau kontente tebes ho rezultadu husi fehuk midar hirak ne’e.

“Fehuk hirak ne’e la presiza tempu barak atu kuda – fulan 3 deit ita bele koileta ona,” tenik nia.

Ho rendimentu ne’ebé nia hetan husi fa’an nia produtu, Sr. Guilerme konsege halo nia uma no haruka nia oan sira ba eskola

“Nia rezultadu produsaun diak tebes, nia isin boot, no nia sabór mos diak tebes.”

Sr. Guilerme kontinua produs fehuk midar kain hodi kuda fila-fali iha nia kanteru laran.

Nia mos fahe kain balun ba viziñu sira atu nune’e sira mos bele hetan benefísiu husi rezultadu produsaun ne’ebé diak.

Koileta hotu tiha, Sr. Guilerme nia kaben fa’an fehuk midar hirak ne’e iha merkadu lokál no sira konsege hetan osan liu husi US$1,000.

Ho rendimentu ida ne’e nia konsege halo nia uma no haruka nia oan sira ba eskola.