Mapa rai Timor-Leste agora daudaun disponível 

Seeds of Life (SoL) tau hamutuk ona fonte dadus balun neebe di’ak liu hodi fornese ba imi hotu mapa, “Rai Timor-Leste, 2015”.

Mapa ne’e produs ona iha versaun Inglés no Tetun iha rezolusaun aas no médiu para atu download no print ho gratuitu. Mapa ne’e dezeña atu imprimi  (print iha surat tahan ho medida A0 maibe bele mos lee iha medida A3 neebe produs ho rezolusaun aas no médiu para bele responde ba imi nia nesesidade. Mapa ne’e rai iha Gogole Drive ne’ebe la presija login bainhira asesu.

Asesu pájina informasaun husi Google Drive agora (la presija login)

Mapa nasional ba rai ne'e sei hasai iha tempu badak hodi bele download no print

Mapa nasional ba rai ne’e bele download no print ho gratuitu

Mapa ida ne’e tau hamutuk ho informasaun neebe iha benefísiu relasionadu ho rai Timor-Leste nian hanesan kona-ba testura rai, pH, rai lolon, udan been, jeolojia, hidrolojia no informasaun seluk neebe fasil atu tuir nia lejenda no sávi sira.

Esplikasaun prátikal balun mos inkluidu hanesan impaktu husi menus mikro nutriente no serbisu ho rai lolon.  Mapa prinsipál esplika ho foto atu hatudu típu rai no potensialidade to’os iha teritóriu laran tomak.

Imi bele download no imprimi (print) nia kopía ba imi nia projetu ka peskiza, tanba mapa ne’e kontem informasaun barak atu realiza sesaun treinamentu hodi hasa’e konsiénsia no aumenta komprensaun kona-ba rai.

Mezmu nune’e mapa ida ne’e hanesan mapa inísiu.  SoL mos halo disponível pakote rai kompletu atu uja hodi kria mapa no mos rekursu sira seluk. Ida ne’e inklui:

Ida ne’e sei fasilita imi atu halo imi nia mapa rasik husi imi nia área fokus. Verifika buat seluk hanesan rísku erosaun no rai fatuk. Mapeamentu hotu-hotu ba serbisu ida ne’e halo iha QGIS, programa MAP neebe gratuitu no forte.

Karik imi hakarak haree rai balun, rai lolon, klíma no hidrojeolojia iha nível suco maka haree iha ita nia Papel Informasaun Suco. Ami besik atu lansa ka fó sai munisípiu 2 nian hanesan Dili ho Oecusse.

SoL hakarak atu fó obrigado ba Ted Griffin, staff iha TMap, Patrick Niemeyer no ALGIS iha Ministériu da Agrikultura e Peskas no sira seluk tan ba apóiu neebe fó ba projetu ida ne’e.

No finalmente, dadus neebe aprezenta nia intensaun atu fó indikasaun deit iha eskala nasionál – hodi bele kompriende loloos rai neebe imi sei presiza atu halo imi nia liman foer no investiga iha terreñu.

Tuir links neebe iha hodi hetan kopía husi mapa.

 

 

Leave a Reply

You must be logged in to post a comment.