Hasa’e konsiénsia jéneru liu husi soru-mutu ba funsionáriu MAP-SoL

Funsionáriu MAP-SoL liu husi nain 150 husi distritu lima partisipa iha soru-mutu kona-ba jéneru durante fulan tomak liu ba ne’ebé hanesan parte ida husi serbisu Seeds of Life nian atu garante igualidade jéneru iha nia atividade tomak.

Ekipa jéneru hala’o soru-mutu hamutuk ho feto nain 29 no mane 127 iha distritu hirak hanesan Oecusse, Lautem, Manatuto, Dili ho Aileu hodi ajuda hasa’e konsiénsia kona-ba asuntu jéneru iha nível distritu.

gender_workshop-2

Maria Fernandes, ekipa Gender SoL aprezenta konsiénsia jéneru ba fungsinariu MAP iha distritu Lautem.

Partisipante sira deskuti no aprende maneira kona-ba oinsa atu hadi’a asesu jéneru iha atividade peskiza no habarak fini, no koalia kona-ba kriasaun “planu serbisu pilotu jéneru iha nível distritu” hodi asegura jéneru involvidu iha Sistema Fini Nasionál ba Varidade Ne’ebé Lansa.

“Husi saida mak hau aprende iha soru-mutu ida ne’e, hau espera atu bele enkoraja feto hodi toma responsabilidade boot liu tan iha grupu laran”

Feedback husi partisipante sira iha soru-mutu ne’ebé hala’o iha Lautem dia 29 de Outubru hatudu katak sira deskobre konteúdu ne’ebé iha benefísiu no diretamente aplikavél ba sira-nia serbisu.

  • Celestiana Correia Fernandes, Funsionáriu MAP: “Soru-mutu kona-ba jéneru ida ne’e importante, atu nune’e funsionáriu sira bele hadi’a sira-nia komprensaun kona-ba jéneru, espesialmente kona-ba oinsa asuntu ida ne’e relasionadu ho sira-nia serbisu no mos edukasaun ba feto foin sa’e sira. Hanesan membru husi grupu serbisu jéneru Ministério nian, ami planu atu hala’o sosializasaun kona-ba jéneru ba suco hotu-hotu iha distritu Lautem nia laran.”
  • Domingos Oliveira, Koordenadór Estensionista:“Soru-mutu kona-ba jéneru ida ne’e hanesan buat foun ida ba hau. Durante hau serbisu tinan lima nia laran hanesan koordenadór estensionista, involvimentu husi grupu feto kuaze ki’ik liu. Liu husi soru-mutu ida ne’e hau aprende buat barak liu tan kona-ba jéneru, nune’e agora hau bele implementa konseitu hirak ne’e iha hau nia serbisu laran.”
  • Anibal do Santos, Koordenadór GKHF: “Soru-mutu kona-ba jéneru ida ne’e reforsa oinsa funsionáriu MAP bele enkoraja feto atu bele involve liu tan iha grupu habarak fini komunidade ne’ebé existe iha sira-nia suco laran. Husi saida mak hau aprende iha soru-mutu ida ne’e, hau espera atu bele enkoraja feto hodi toma responsabilidade boot liu tan iha grupu laran hanesan maneija finánsa ou bele mos sai hanesan chefe de grupu.”
IMG_5732

Paulino Mendonca, partesipante ida iha gender workshop aprezenta rezultadu diskusaun grupu

Konsultante Jéneru MAP-SoL, Julie Imron, ne’ebé ajuda Ekipa Jéneru hodi hala’o soru-mutu, haktuir katak partisipante sira kuaze interese makaas iha nia konteúdu mezmu ida ne’e hanesan asuntu sensitivu.

“Ita nia objetivu mak atu ema idaidak bele deskuti loloos asuntu hirak ne’e ho klean no mos fó sira-nia opiniaun.

“Jéneru hanesan asuntu ne’ebé sensitivu tanba ema hanoin katak ita atu troka sira-nia estrutura ou abitua iha familia laran.

“Dalabarak, ida ne’e kuaze balansu liu iha serbisu fatin, maibe hanesan istória seluk ida iha uma,” tenik nia.

Ekipa Jéneru sei kontinua atu hala’o soru-mutu kona-ba konsiénsia jéneru ba funsionáriu husi kada komponente iha MAP-SoL, ba estensionista sira iha kada distritu no mos ba GKHF selesionadu.

Treinamentu kadi kakutak/penyegaran kona-ba konsiénsia jéneru planu mos ba tinan 2014.

 

 

 

Comments are closed.