Agrikultór iha distritu Covalima iha asesu liu tan ba fini

26 Jullu 2013 – Agrikultór iha distritu Covalima agora dadaun iha asesu liu tan ba fini kualidade di’ak depois de lansamentu programa Fini ba Moris/Seeds of Life husi Ministério da Agricultura e Pescas iha distritu Covalima Kinta feira semana kotuk (19/7).

Atividade MAP-SoL iha distritu Covalima sei fó apóiu agrikultór sira atu produs sira-nia fini rasik iha komunidade atu nune’e sira iha fini ne’ebé sufisiente atu kuda no labele depende deit ba fini ne’ebé distribui husi MAP.

MAP-SoL planéia atu estabelese Grupu Komunidade Habarak Fini (GKHF) 60 iha suco 30 iha distritu Covalima atu nune’e sira bele involve iha produsaun lokál no haloot fini kualidade diak.

“Programa MAP-SoL sei ajuda hasa’e seguransa ai-han iha distritu Covalima no mós ajuda governu atu hamenus kuantidade fini ne’ebé importa husi rai li’ur,” tenik Diretór MAP Distritu Covalima, Jacinto Godinho.

A day labourer picks young rice seedlings on Jose Dos Santos's f

Atividade MAP-SoL sei fó apóiu agrikultór sira atu produs sira-nia fini rasik iha komunidade

Habelar programa MAP-SoL iha distritu hotu-hotu sei fó apóiu ba objetivu programa SoL nian kona-ba hadi’a seguransa ai-han familia agrikultór sira-nian liu husi hasa’e produtividade ai-han prinsipál.

Team Leader SoL John Dalton hateten katak programa ida ne’e serbisu hamutuk ho MAP, ofisiais estensionista no ofisiais distritu hodi hanorin agrikultór sira kona-ba oinsá atu produs no haloot fini kualidade di’ak.

“Programa MAP-SoL sei ajuda hasa’e seguransa ai-han iha distritu Covalima no mós ajuda governu atu hamenus kuantidade fini ne’ebé importa husi rai li’ur,” 

“Agrikultór sira sai independente liu tan, no la presiza depende ba fini ne’ebé importa, tanba sira bele produs rasik varidade fini ne’ebé di’ak, no sira iha fini ne’ebé sufisiente iha sira nia liman no prontu atu kuda  bainhira udan mai,” nia hateten.

Vice Ministru MAP Marcos da Cruz hateten katak nia espera parte hotu-hotu bele kolabora no serbisu hamutuk para bele atinji programa nia objetivu.

_MG_1382

Lansamentu programa MAP-SoL iha sitriru Covalima

Programa MAP-SoL lansa ona iha distritu Oecusse iha fulan Abríl no agora kuaze atu kobre ona distritu hotu-hotu iha Timor-Leste inklui lansamentu ne’ebé agora dadaun halo iha distritu Covalima. Programa ne’e mos sei halo lansamentu iha sub-distritu rurais hirak ne’ebe pertensa ba distritu Dili iha fulan Agostu nia laran.

Agora dadaun iha grupu komunidade habarak fini 712 mak estabelese ona iha suco 141 nia laran no iha estensionista nain 140 mak involve iha produsaun fini lokál komunidade ba ai-han prinsipál hirak ne’ebé lansa ofisialmente husi MAP.

Leave a Reply

You must be logged in to post a comment.