Peskiza hatudu katak Timor-Leste agora dadaun manas liu fali tempu Portugueza nian

Seeds of Life (SoL) nia peskiza hatudu katak temperatura médiu iha Timor-Leste kuaze sae ona 1^OC no udan been kuaze tún 19% dezde tinan 1974. Ida ne’e aprezenta iha 1⁰ Konferénsia Kona-ba Adaptasaun Mudansa Klimátika neebe realiza iha Dili semana ida ne’e.

Peskiza hatudu katak Timor-Leste agora dadaun manas liu iha tempu Portugueza nian, bazéia ba analiza kona-ba mudansa temperatura ho udan been entre periódu 1954-1974 ho 2004-2012.

Espesifikamente, peskiza deskobre rezultadu tuir mai:

MAP-SoL Cropping Systems Advisor Samuel Bacon haktuir katak peskiza típu hanesan ne’e kona-ba mudansa klimátika nia importante mak atu kompriende kona-ba impaktu neebe sei atu akontese tuir mai husi mudansa iha klimátika ba familia agrikultór sira iha Timor-Leste.

“Mudansa klimátika bele fó impaktu ba agrikultór sira-nia produsaun batar no hare se enkuantu temperatura sa’e. Tanba ne’e, ita presiza atu aprende liu tan kona-ba udan been, temperatura no impaktu husi nitrojéniu ho nutriente ai-horis sira seluk neebe presiza ba rai,” tenik nia.

Climate change research is useful for understanding the impact on Timorese farmers’ maize and rice yields © Conor Ashleigh

MAP-SoL halo ona peskiza kona-ba identifika variedade ai-horis neebe adapta diak liu ba klíma Timor nian durante tinan 10 nia laran.

“Rezultadu produsaun ai-horis la’os afeta deit husi mudansa klimátika maibe mos husi kondisaun rai agrikultór sira-nian ho variedade neebe sira uja,” tenik Samuel.

Samuel esplika katak mezmu akontese mudansa iha klimátika, agrikultór sira bele hadi’a sira-nia rezultadu produsaun ai-horis liu husi kuda variedade neebe adapta diak, kuda tuir espasu neebe rekomenda, hamoos du’ut tuir tempu neebe loloos no kuda ai-horis neebe bele hamenus du’ut no hadi’a rai nia bokur hanesan lehe (velvet bean).

“Hanesan iha Maubisse por exemplu, wainhira temperatura sa’e maka rezultadu produsaun ai-horis mos sa’e. Agrikultór sira bele mos hasa’e sira-nia rezultadu produsaun liu husi kuda legume atu hadi’a nível nitrojéniu iha rai neebe iha sira-nia to’os,” tenik nia.

Betano, lokalizadu iha kosta de súl, neebe nia klíma manas no sai hanesan fatin ida neebe bele afeta husi mudansa klimátika.

“Iha tempu oin mai, rezultadu produsaun ai-horis bele tún iha Betano tanba kauza husi temperatura neebe sa’e. Mezmu nune’e, testu iha Sentru Peskiza Betano no iha agrikultór sira-nia to’os hatudu katak agrikultór sira bele hadi’a rezultadu produsaun liu husi hadi’a rai nia bokur atravez de uja lehe no foka ba fatór hirak neebe limita rai nia nutrisaun,” tenik Samuel.

“Rezultadu produsaun ai-horis la’os afeta deit husi mudansa klimátika maibe mos husi kondisaun rai agrikultór sira-nian ho variedade neebe sira uja”

Peskiza ne’e aprezenta husi Florindo Morais, Koordenadór Mudansa Klimátika MAP-SoL, no Samuel Bacon iha konferénsia neebe realiza iha Kinta feira dia 6 de Novembru ho títulu “Klíma iha Timor-Leste: 1914-2005. Oinsa Mudansa Klimátika iha Timor-Leste no oinsa atu adapta iha tempu oin mai”.

Peskiza ida ne’e mos públika ona iha lívru Know Timor, Volume 1, pájina 41 – 47.

Peskizadór Mudansa Klimátika MAP ho SoL bele prevista tendénsia klimátiku Timor nian bazéia ba dadus neebe rekolla husi estasaun meteorolojia oioin neebe lokalizadu iha Aileu, Ainaro, Betano, Dare, Lospalos, Maliana, Manatuto, Maubisse ho Viqueque.

A MAF-SoL weather station at a research centre in Aileu © Conor Ashleigh/Seeds of Life

“Ita presija rekoñese katak klíma iha Timor-Leste, hanesan iha Northern Australia, kuaze variável makaas,” tenik Samuel.

“Iha ema barak mak hateten katak udan bo’ot neebe kauza inundasaun hodi estraga agrikultór sira-nia natar no periódu bailoro neebe naruk iha tinan El Nino mak hanesan “mudansa klimátika”. Atualmente hirak ne’e hanesan variasaun klíma neebe normal husi tinan ba tinan kompara ho mudansa klimátika tempu naruk, ” tenik nia.

Mudansa klimátika hanesan komparasaun temperatura ho udan been husi tinan 50 liu ba kompara ho temperatura no udan been agora ninian. Husi komparasaun ida ne’e iha posibilidade atu analiza mudansa saida mak akontese ona iha klíma.

Two women keep their umbrellas on hand as they pick young rice seedlings to be replanted outside Maliana town © Conor Ashleigh/Seeds of Life

Projetu peskiza tuir mai ba ekipa mudansa klimátika MAP-SoL mak atu kompara no analiza dadus foun neebe foin rekolla husi tinan 1914 ho dadus husi tinan 2004-2012 hodi determina medida mudansa neebe akontese iha klíma durante periódu naruk ida ne’e no atu prevista maizumenus temperatura no udan been iha tempu oin mai la’o oinsa.