Screenshot S&L activities with 2 CSPs reportProducer Atividade Rai no Emprestimu husi Grupu Produtór Fini Komersiál Rua 

Atividade prinsipál husi grupu Produtór Fin Komersiál (PFK) mak atu produs fini komersiál kualidade di’ak husi variedade ai-horis batar, háre no forerai ne’ebé lansa ona husi Ministériu da Agrikultura i Peskas. Mezmu nune’e ida ne’e la’os hanesan atividade ne’ebé han tempu tinan tomak, tanba ne’e atu ajuda hametin grupu ne’e kria mos atividade seluk iha grupu nia laran para sira bele iha fokus ne’ebé kontinua, atividade seluk ne’ebé sujere iha ne’e mak hanesan atividade: Rai no Emprestimu.

 

Relatóriu estudu ida ne’e bazeia ba levantamentu rua ne’ebé realiza ona ho PFK rua ne’ebé implementa atividade Rai no Emprestimu, iha tinan klaran husi tinan primeiru operasaun atividade Rai no Emprestimu, no iha tinan ida tuir fali. Mezmu iha periódu ne’ebé badak deit, grupu Rai no Emprestimu hatudu ona rezultadu di’ak tebes, ho tendénsia pozitivu ba problema umakain sira ne’ebé involve iha laran hanesan ai-han la sufisiente, investimentu, halo uma, kapasidade atu haruka oan sira ba eskola, no infrenta situasaun emerjénsia.

 

Estudu deskobre katak osan husi atividade ida ne’e barak liu mak uja ba selu oan sira-nia eskola, tuir fali mak loke negósiu, no hadi’a uma ka sosa sasan ba uma laran. Eskema emprestimu hanesan ne’e klaramente bele responde ba nesesidade asesu finansa iha área rurais, no iha interese makaas husi sira seluk atu partisipa mos iha grupu Rai no Emprestimu rua ne’e.

 

Leave a Reply

You must be logged in to post a comment.