Produtór Fini Komersiál 12 Rejistra tan Halo Númeru Total Sai 31

Asosiasaun Agrikultór sanulu resin rua iha Baucau, Lautem no Viqueque ofisialmente simu sira-nia sertifikadu rejistrasaun husi Departementu Fini MAP ne’ebé kualifika sira hanesan Produtór Fini Komersiál (PFK) iha semana liu ba, ne’ebé halo númeru total produtór rejistradu iha teritóriu laran sai 31.

Ida ne’e hanesan espansaun dala sanulu husi PFK tolu ne’ebé hetan lisensa hodi produs fini iha epoka ikus.

baucau1

Vice Ministru MAP entrega sertifikadu Produtor Fini Komersial ba grupu habarak fini komunidade husi distritu Baucau

baucau3

Asosiasaun agrikultor no grupu habarak fini komunidade nain12 hatudu ne’ebe simu sertifikadu Produtor Fini Komersial

baucau5

Seed Office esplika prosesu halo fini ho kualidade diak ba agrikultor sira

Vice Ministru husi Ministério da Agricultura e Pescas, Sr. Marcus da Cruz, fahe sertifikadu rejistrasaun iha dia 20 de Dezembru iha eventu ida ne’ebé realiza iha armazen MAP-Seeds of Life Triloka, Baucau.

“Agora dadaun iha ona produtór rejistradu 31 mak espalla iha Timor-Leste laran tomak ne’ebé ofisialmente autoriza hodi produs fini komersiál kualidade diak liu husi kondisaun kontrollu ne’ebé makaas hanesan haktuir iha Matadalan PFK nian ba Sistema Fini Nasionál ba Varidade Ne’ebé Lansa (SFNVL),” tenik nia iha eventu ne’ebé atende husi agrikultór sira, membru komunidade no staff MAP-SoL.

“Ne katak prosesa dezenvolvimentu iha parte agrikultura nee lao ona, liu-liu iha parte fini, tamba fini nee buat esensiál ida hodi dezenvolve seguransa aihan,” tenik nia.

Produtór fini komersiál rejistradu 31 sei produs fini komersiál kualidade diak husi produtu batar, hare no forerai tonelada 200 iha tinan 2014 nia laran.

“Fini ne’ebe produs husi Produtor Fini Komersial maka fini ho produsaun no kualidade ne’ebe kontrola husi MAP. Ba oin governu tenke sosa fini husi sira hodi hamenus importasaun husi rai liur,” tenik Vice Ministru

Regina Amaral, chefe grupu “Waiteque” husi Baucau, dehan “Hetan sertifikat hau sente kontente tamba ida nee hanesan fiar ida mai hau hodi produs haree Nakroma ho kualidade diak, hau bele fa’an no hetan rendimentu hodi sustenta hau nia família no hola sasán agrikultor.”

Arthur Xavier, Asosiasaun Agrikultor “Tane Fini”, husi distritu Viqueque, mos hateten “Sertifikadu nee hanesan lisensa da produtivu ida ba asosiasaun katak asosiasaun nia serbisu maka produs fini no garantia fini nia kualidade no kuantidade hodi fa’an ba agrikultór sira seluk.  Hau kontente ho sistema ne’ebe ministériu kria hodi hapara importasaun fini husi rai liur”

 

Istória ne’ebé mosu husi produtór fini komersiál rejistradu primeiru iha Manufahi

Iha inísiu fulan ida ne’e asosiasaun agrikultór primeiru iha Manufahi rejistradu hanesan produtór fini komersiál, ne’ebé selebra eventu ida iha dia 11 de Dezembru.

Asosiasaun Agrikultór Rai Koto husi Suco Simpang Tiga, Manufahi, simu sira-nia sertifikadu husi MAP iha eventu ne’ebé partisipa husi agrikultór sira no funsionáriu MAP-SoL.

“Fini ne’ebe produs husi Produtor Fini Komersial maka fini ho produsaun no kualidade ne’ebe kontrola husi MAP. Ba oin governu tenke sosa fini husi sira hodi hamenus importasaun husi rai liur”

Iha tinan antes agrikultór husi Rai Koto serbisu fahe ba Grupu Komunidade Habarak Fini (GKHF) tolu, ne’ebé fó esperiénsia ba sira durante tinan rua nia laran liu husi produs fini batar Sele kualidade diak tuir kondisaun lokál ba sira-nia nesesidade fini.

Asosiasaun ne’e hamosu sira-nia naran uja fali naran suco nian naran ne’ebé uja iha tempu Indonézia. Simpang tiga, ne’ebé signifika dalan tolu iha Bahasa Indonézia, ne’ebé hanesan kruzamentu entre distritu Ainaro, sai mai Manufahi no tún ba parte kosta de súl.

baucau4

Regina Amaral, chefi grupu komunidade “Waiteque” hatudu sertifikadu Produtor Fini Komersial

Tuir SFNVL, produtór fini rejistradu habarak fini sertifikadu tuir matadalan garante kualidade MAP nian hodi produs fini ho kuantidade boot iha marka no mos iha label fini komersiál nian.

Rejistrasaun hanesan produtór fini komersiál loke ba tinan lima nia laran no nakloke ba agrikultór individu, kompaña privadu no asosiasaun agrikultór ne’ebé prense kritériu, mantein matadalan kontrollu kualidade ne’ebé forte husi Departementu Fini MAP nian no halo ravista/spot ba fini nia kualidade.

Tinan-tinan, kada PFK tenke aplika ba lisensa PFK ne’ebé fasilita sira atu kuda varidade espesífiku ne’ebé lansa iha área ne’ebé konkorda hamutuk iha epoka kuda no produs tonelada fini komersiál ne’ebé konkorda hamutuk ne’ebé tenke koko, fó label no marka atu nune’e bele fa’an hanesan fini komersiál.

Asosiasaun agrikultór tolu primeiru rejistradu ona hanesan PFK iha fulan Jullu 2013.

 

1 Response » to “Produtór Fini Komersiál 12 Rejistra tan Halo Númeru Total Sai 31”

  1. […] Produtór Fini Komersiál 12 Rejistra tan Halo Númeru Total Sai 31 […]

Leave a Reply

You must be logged in to post a comment.