Rezultadu Di’ak ba Seeds of Life iha Avaliasaun Efikásia DFAT!

“[Seeds of Life] halo ona kontribuisaun neebe sólidu hodi hadi’a produtividade agríkula iha Timor-Leste”, tenik the Office of Development Effectiveness (ODE) iha Australian Department of Foreign Affairs and Trade (DFAT).

“fini di’ak liu = produsaun aas liu = iha siguransa ai-han neebe makaas”

Relatóriu ho títulu Avaliasaun ba Ajudus Australia iha Timor-Leste neebe fó sai iha fulan Juñu 2014, halo revizaun kona-ba efikásia husi projetu neebe finansiádu husi governo Australia iha Timor-Leste, kontribuisaun MAP-SoL nian ba siguransa ai-han hetan apresiasaun. Haktuir kona-ba progresu jerál no dezafiu neebe hasoru husi projetu dezenvolvimentu neebe finansiádu husi Australia, dezempeñu positivu husi MAP-SoL kuaze naroman forte. ODE hakerek: “Seeds of Life (SoL) iha focus neebe simples no agronómiku lójiku neebe iha ligasaun ho rezultadu dezenvolvimentu real (fini di’ak liu = produsaun aas liu = iha siguransa ai-han neebe makaas). SoL nunka lakon nia fokus orijinál ba iha fini, neebe simples no la disputa husi perspetiva agronómiku”.

Relatóriu ne’e enfatiza kolaborasaun importante entre projetu neebe finansiádu husi governo Australia ho Ministério da Agricultura e Pescas (MAP) iha Timor-Leste; “Staff SoL serbisu hamutuk ho staff senior sira husi Ministério hodi hadi’a asuntu organizasaun oioin no mos rekursu umanu, inklui planeamentu estratéjiku. Atividade hirak ne’e avalia husi staff senior Ministério nian relata progresu signifikante iha kapasidade husi tempu ba tempu”.

Dezde iha inísiu 2000, MAP-SoL sempre tau importánsia ba iha integrasaun no aseitasaun iha seitór agríkula Timor Leste nia laran. Aspetu husi projetu ne’e partikularmente kuaze elojiadu tebes iha relatóriu ida ne’e nia laran; “Involvimentu agrikultór iha testu no demonstrasaun iha to’os no partisipatóriu fó valor ba variedade kualidade di’ak rezulta ona iha aseitasaun lokál ho nível aas, kuda fila-fali no adopsaun”.

Jeralmente, progresu husi inisiativa neebe finansiádu husi Australianu kuaze rekoñese no kongratula iha avaliasaun efikásia nia laran. Kontribuisaun husi voluntáriu Australianu mos hetan apresiasaun bo’ot; dezde tinan 2010, MAP-SoL simu ona voluntáriu Australianu nain lima, hahu husi asesor ba treinamentu to’o komunikasaun profesionais.

Lee relatóriu kompletu.