Dadus meteorolojia foun husi estasaun metereolójika 21 agora dadaun disponível

SoL foin mak públika dadus arkivu meteorolojia foun husi estasaun metereolójika 21 iha teritóriu laran tomak. Dadus hirak ne’e disponível iha excel sheets ne’ebé imi bele download, analiza no fahe gratuitumente.

Asesu pájina informasaun husi Google Drive agora (la presija login)

Informasaun hirak ne’e bele uja ba projetu, peskiza no planeamentu. Dadus ne’e mos bele ajuda buka hatene fatin ne’ebé iha Timor-Leste mak udan tún bebeik ka nia udan been aas liu iha loron ida nia laran ou fatin ne’ebé mak malirin liu ka nia rajada anin aas liu iha loron ida nia laran. Dadus hirak ne’e importante tebes hodi prepara komunidade sira hodi hasoru rísku hirak ne’ebé asosiadu ho klíma. Nune’e mos ida ne’e ajuda fó komprensaun kona-ba padraun klíma atuál relasionadu ho El Niño atuál.

Screen Shot 2015-10-22 at 9.57.36 AM

Ezemplu dadus meteorolojia loron-loron husi estasaun meteorolojika iha Acumau, Aileu.

Estasaun hirak ne’e operadu husi Sr. Florindo Morais Neto iha Direcção Nacionál de Pesquisa iha Ministério da Agricultura e Pescas nia laran. Nia gasta tempu barak hodi halo viajen ba teritóriu laran tomak hodi pasa ravista ba estasaun hirak ne’e, troka parte hirak ne’ebé mak aat no halo manutensaun rutina.

Florindo in Viqueque downloads data onto his laptop during a routine maintenance check

Florindo download dadsu ba nia laptop bainhira hala’o manutensaun no regular cek ba estensaun meteorolojika iha Viqueque

Iha okaziaun barak mak dadus hirak ne’e nia download ba nia laptop no depois lori hikas ba eskritóriu iha Dili hodi analiza. Estasaun balun mak transmite dadus liu husi satellite ka sistema telekomunikasaun nune’e ida ne’e download remotamente (jarak jauh) liu husi internet.

Seeds of Life fó apóiu ba serbisu ida ne’e liu husi fornese ekipamentu nesesáriu no treinamentu hodi ajuda Sr. Florindo para bele fasilita nia serbisu. Hirak ne’e realiza liu husi kolaborasaun ho Departamentu Agrometereolojika ALGIS ne’ebé hahu ona toma responsabilidade ba operasaun rede.

Foin daudaun hamutuk ami installa ona sensor eletróniku foun ne’ebé sukat temperatura no umidade rai. Ami mos installa tan ona sensor diresaun anin. MAP orgullu atu opera ekipamentu arte ida ne’e hodi fó dadus metereolojia ba dezenvolvimentu Timor-Leste.

Hare informasaun seluk kona ba iklima no temperatura.

Leave a Reply

You must be logged in to post a comment.