Dadus rai no klimátiku agora dadaun disponível iha Google Earth

Karik konsege husu fahi hira mak iha suco laran? Ou oinsa udan been atuál kompara ho médiu udan been istóriku?

Di’ak, hakarak atu hatene liu tan! Ekipa peskiza iha Seeds of Life fó sai ona mapa Google Earth interativu sia ne’ebé hatudu kona-ba karaterístika klíma, rai no dadus sensus agrikultura.

Mapa hirak ne’e disponível publikamente ne’ebé kontem informasaun kona-ba rezultadu testu rai, dadus estasaun meteorolojia, dadus mudansa klimátika, baliza basia hidrográfika, no estatístiku kona-ba populasaun, ai-horis no pekuária iha Timor-Leste.

osolos table 600px

Google Earth hanesan instrumentu mapeamentu simples no forte ne’ebé bele download no uja ho gratuitu. Ida ne’e fornese maneira simples ba dadus mapa espasialmente no bele uja offline, nune’e mos iha telemóvel, signifika dadus pratikamente disponível iha ne’ebé deit!

Benefísiu seluk husi mapa hirak ne’e mak utilizadór sira bele navigasi/tama ba área espesífiku hanesan suco ou distritu no asesu ba dadus relevante husi fatin ne’ebá.

Mapa foun hirak ne’e dezenvolve liu husi serbisu parseria ho AidData, empreza peskiza no inovasaun Amerikanu nian ne’ebé foka ba buka dezenvolvimentu finánsa no defeza ba dadus aberta.

Ida husi mapa hirak ne’e inklui vizualizasaun ba projetu Ajudus Ministério das Finanças nian hanesan Aid Transparency Portal, ne’ebé hatudu fatin husi atividade dezenvolvimentu iha Timor-Leste tuir ida ne’ebé relata husi ajénsia doadór sira.

The aid transparency portal Google Earth map includes interactive point data of project locations and associated data for all current development project reported by involved donor agencies, and interactive point data of project locations and associated data for agriculture sector projects reported by involved donor agencies

Seeds of Life sei kontinua update file tanba dadus barak liu tan mak sei sai disponível. SoL agora dadaun tau hamutuk testu ne’ebé halo barak kona-ba rai atu nune’e bele disponível iha Google Earth.

Mapa sia ne’e aumenta mapa liu husi 1,800 maps ho eskala oioin ne’ebé disponível ona iha Seeds of Life nia website, ne’ebé ajuda ministério no ONG sira atu koordena planu di’ak liu tan ou atividade agrikultura no dezenvolvimentu rurais iha teritóriu laran tomak. Mapa baze hirak ne’e (hatudu mota, estrada, hela fatin no baliza) ne’ebé bele haree ketaketak ou liu husi kombinasaun (over-laid) ho númeru mapa temátiku individual (ex. Hatudu topografia, elevasaun, rai lolon, rai no área ne’ebé agora dadaun uja).

Oinsa hau bele asesu no uja mapa hirak ne’e?

Atu asesu ba mapa imi presiza installa Google Earth. Karik imi seidauk iha, imi bele download ho gratuita.

Wainhira installa ona Google Earth, simplesmente asesu ba file husi Google Drive (la presiza login).

Karik imi foun ba Google Earth ami rekomenda imi atu download file “SoL Starter Pack” ne’ebé iha pakote mapa di’ak ba imi para atu esplora.

Karik imi double click iha file kmz iha ne’ebá sei loke programa Google Earth automatikamente no depois tau mapa ne’e iha imi nia “Fatin Temporáriu”. Ami sujere atu imi muda ou rai iha “My Places” atu nune’e bele mantein iha ne’ebá bainhira deit imi loke programa ne’e.

Atu hatete katak Google Earth bele funsiona offline. Inisialmente imi presiza online no zoom ba área ne’ebé imi interese. Imi nia perangkat/device sei “cache/fó sai” mapa husi área ida ne’e (ex. rai iha nia memory) atu nune’e imi bele loke iha tempu seluk wainhira offline. Wainhira imi download ona file kmz husi ami nia sítiu/site maka nia sei funsiona offline.

Mapa balun iha tabela dadus pop-ups ne’ebé simplesmente imi bele copy no paste ba iha imi nia word document ou spreadsheet ba relatóriu no analiza.

Imi mos bele halo haliis imi nia mapa Google Earth ba perspetiva 3D no depois save nia imajen atu kria mapa ne’ebé simples no efikás. Ou tenta atu tau Google Earth iha tablet ou smartphone hodi loke nia dadus wainhira imi iha terreñu.

Karik imi iha pergunta, komentáriu ou feedback ruma, favor ida kontaktu samuel.bacon@seedsoflifetimor.org

Obrigado barak ba Lauren Harrison no Sam Brecker ne’ebé fó sira-nia tempu voluntáriu iha Seeds of Life husi fulan Juñu to’o Agostu 2014 hanesan parte ida husi projetu AidData hodi ajuda kria mapa Google Earth hirak ne’e.

1 Response » to “Dadus rai no klimátiku agora dadaun disponível iha Google Earth”

  1. […] Dadus rai no klimátiku agora dadaun disponível iha Google Earth […]

Leave a Reply

You must be logged in to post a comment.