Hasa’e konsiénsia ba sistema fini nasionál liu husi filmajen

Sistema Fini Nasionál Timor Leste ba Variedade Ne’ebé Lansa (SFNVL) estabelese ona iha tinan 2013 hodi asegura asesu ba fini kualidade di’ak. Video dokumentasaun fó sai detallu kona-ba oinsa sistema fini ne’e la’o no produs atu ajuda iha dizeminasaun ka fahe informasaun. Além de fó sai video ne’e iha Televizaun Nasionál, Seeds of Life (SoL) mos kolabora ho Cinema Lorosa’e hodi fó sai video ne’e kalan iha komunidade rurais sira-nia leet.

Cinema Lorosa’e hanesan kompaña lokál ida ne’ebé fornese cinema esterior ba komunidade sira iha área rurais. Tinan ida ne’e, lui husi ema na’in 30,000 husi munisípiu 8 mak konsege haree cinema ne’ebé loke iha kalan.

© Yessy Betty/Seeds of Life

Komunidade sira apresia tebes ho oportunidade atu haree filmajen no dokumentáriu oioin. Feedback balun ne’ebé simu depois de haree video dokumentasaun SFNVL ho durasaun minutu 20 mak hanesan tuir mai:

“Agora hau kompriende kona-ba sistema fini,” haktuir husi agrikultór ida iha Baucau.

“Sistema fini nasionál ne’e di’ak atu hadi’a agrikultór sira-nia rendimentu no video ne’e ajuda agrikultór sira atu kompriende kona-ba sistema foun no prátika di’ak”

Cinema Lorosae-3“Sistema fini nasionál ne’e di’ak atu hadi’a agrikultór sira-nia rendimentu no video ne’e ajuda agrikultór sira atu kompriende kona-ba sistema foun no prátika di’ak,” tenik Chefe Aldeia husi Luca, Viqueque.

“Ho sistema fini ne’ebé iha hahu agora hau nia inan aman sira bele sosa fini husi produtór fini komersiál lokál sira,” tenik estudante ida husi Luca, Viqueque.

Além de filmajen SFNVL, SoL mos husu ba Cinema Lorosa’e atu fó sai video ne’ebé fó importánsia ba papel feto nian iha agrikultura no oinsa sira hetan benefísiu husi sira-nia partisipasaun iha atividade agrikultura, nune’e mos animasaun kona-ba prátika agrikultura di’ak ba batar.

“(Husi animasaun) hau aprende kona-ba oinsa kuda batar fini ho didiak” tenik agrikultór ida husi Baucau.

Durante loke filmajen ne’e iha kalan, pesoál Cinema Lorosa’e mos ajuda iha distribuisaun kalendáriu tinan 2015 nian ne’ebé iha ne’ebá hatudu foto kona-ba variedade kualidade di’ak oioin ne’ebé lansa husi MAP-SoL ba sistema fini nasionál, inklui mos fahe botas ne’ebé ajuda husi kompaña internasionál ho naran Hunter Boots hodi fó apoiu ba serbisu agrikultór sira-nian iha to’os.

Untitled-2 F1064503

Seeds of Life mos produs material audio-visual oioin, visita ami nia pajina Multimedia Resources.

 

Leave a Reply

You must be logged in to post a comment.