Hetan dadus klima husi SoL

Ekipa Mudansa Klimatika iha Fini Ba Moris foin aruma dadus tempu udan husi 2012/2013. Dadus ne’e mai husi estasaun automatik 20 iha rai Timor Leste.

Estasaun mak ne’e bele sukat udan, temperatura, humido, loron naroman ho anin. Fatin rua haruka dadus lansun ba internet hodi ita bele hetan dadus loro-loron.

Estasaun mak ne’e foti dadus minutu sanulu sanulu. Tuir mai ami aruma dadus hamutuk hodi hatene loron tomak nian. Ita bele hetan dadus ne’e husi internet.

Saumel, Florindo ho Isabel instala ekipementus hodi sukat klima iha MAF nia peskiza fatin iha Loes. Fatin ne’e halo peskiza kona ba Sele no Lehe.

Fini Ba Moris kolek dadus ne’e hodi lori peskiza kona ba impaktu hosi klima ba ita nia produtu ai-han. Ita hatene ona katak rezultadu batar tuun bainhira ita sa’e foho.

Ami buka hodi hatene buat ne’e kona ba kalohan, nitrogen tun tanba udan, problema ho rai ka buat seluk.

Dadus loro-loron nian bele hatama ba komputor hodi analisa ho programa ida naran APSIM.

Entaun, ba hetan ita nia kopi hodi hatene liu tan kona ba klima Timor Leste nian.

Loron saida iha fatin saida mak hetan udan makas liu? Fatin saida mak manas liu? Fatin saida hetan kalohan barak? Fatin saida hetan anin makas? Bele mos hare mudanca klimatika mak realidade ka lae?

Kompara udan ne’e ho udan husi tempu antigu iha file naran “Santiga”.

Ami fo file rua: ida peskiza nian nian hodi halo grafik no analiza ida fali mak print nian. Bele hetan ita nia kopi – klik deit iha “Climate Change” depois klik “Data”