Informasaun agrikultura barak lu tan ba nível suco agora dadaun disponível

Seeds of Life  fó sai tan mapa 109 kona-ba informasaun  agrikultura suco ni’an  husi munisípiu tolu (Ainaro, Baucau ho Manatuto) halo total hamutuk 389 mapa suco husi munisípiu 11 .

Mapa hirak ne’e fo sai kona-ba informasaun agrikultura suco nian ne’ebe espesífiku no mapa ne’e agora dadaun disponível no bele asesu gratuitu iha Seeds of Life (SoL) nia Google Drive.

Asesu pájina informasaun husi Google Drive agora (la presija login)

Rekursu hirak ne’e dezeña atu komplementa atividade agrikultura governo nian no mos organizasaun sira seluk nian em termus de planeamentu, identifika rísku no uja hanesan instrumentu edukasionál ida ba staff no agrikultór sira iha workshop sira.

Fó sai imi nia suco no ajuda sira seluk atu hetan komprensaun di’ak liu tan kona-ba ambiente iha ne’ebá.

Screen Shot 2015-06-12 at 10.50.18 AM

Ezemplu mapa informasaun agrikultura suco nian ne’ebe espesífiku

Mapa hirak ne’e dezenvolve husi peskiza halo husi ekipa Cropping System SoL nian no kompostu husi informasaun relasionadu ho agrikultura suco hanesan gráfiku no mapa sira ne’ebé deskreve kona-ba dadus udan been, topografia, predisaun klimátiku, pH rai no hidrojeolojia.

Informasaun hirak ne’e aprezenta iha lian Tetum, uja formatu PDF no iha surat tahan ho medida A3, no bele uja gratuitu, download no print.

Kada pájina informasaun kontem karaterístika hirak tuir mai:

  • Estatístika populasaun no produtu agríkula husi dadus sensus 2010
  • Mapa jerál suco inklui distribuisaun populasaun tuir umakain
  • Foto suco husi parte leten (aerial photo) ho nia estrada no baliza
  • Mapa Zona Agro-ekolójiku ida kombina ho baliza basia-hidrográfika
  • Gráfiku kona-ba udan been fulan-fulan no temperatura bazéia ba modelu dadus klíma mundiál
  • Informasaun baze ZAE husi impaktu husi El Nino no La Nina ba udan been fulan-fulan iha nível munisípiu
  • Informasaun Hydro-jeolojikál no mapa hatudu formasaun fatuk no rekursu bee potensiál (Geoscience Australia)
  • Estatístiku klíma no mudansa klimátika husi IPCC4 iha nível Nasionál no Postu Administrativu
  • Mapa hatudu kona-ba oinsa prevista klimátika nia mudansa em termus de udan been annual no media temperatura (gridded 1km) iha nível Postu Administrativu
  • Mapa rai hatudu pH, rísku husi menus Fe & Zn no testura rai bazéia ba O Solos De Timor Portugueza nian
  • Mapa rai lolon suco nian ho rekomendasaun ba agrikultura bazéia ba kategoria rai lolon (gridded 30m).

Seeds of Life mos iha rekursu ne’ebé di’ak disponível gratuitu iha nia website inklui mapa, dadus klimátika, dadus rai, pamfletu klimátika, pamfletu agríkula.

Leave a Reply

You must be logged in to post a comment.