Karik imi hakarak atu hetan mapa kona-ba imi nia suco, sub-distritu ou distritu ne’ebé implementa projetu ba?

Seeds of Life foin halo mapa Timor Leste nian liu husi 1,800 disponível iha nia website – nia imajen boot liu husi 18GB!

Mapa ne’e kria husi unidade mapeamentu iha Seeds of Life, Ministério da Agricultura e Pescas no Fundu Populasaun Nasaun Unidu, ne’ebé gratuitu ba públiku atu uja, print no distribui.

Iha ne’e disponível mapa hahu husi nasionál, distritu, sub-distritu no suco inklui:

  • mapa fotografia aeréas (foto udara)Slope mapSoil texture
  • mapa rai
  • mapa jerál
  • mapa populasaun
  • mapa uja rai
  • mapa kona-ba udan been no temperatura atuál no tempu oin maiUN district populationRainfall map with graphs
  • mapa basia hidrográfika
  • mapa kontornu

Hare pájina mapa

 

Advisor Sistema Kultivasaun/Cropping Systems, Bacon haktuir katak MAP-SoL hakarak tebes atu fahe mapa hirak ne’e tanba iha projetu barak mak presija mapa no mapa hanesan informasaun ba sira-nia dokumentu.

“Ami hakarak atu fornese mapa ho kualidade diak oioin ne’ebé fasil atu hetan/asesu wainhira presija iha tempu ne’ebé deit.

“Iha informasaun diak barak ne’ebé mai husi governu, no husi komunidade non-governu ne’ebé ami hakarak atu halo disponível ba organizasaun sira seluk,” tenik nia.

 

Komprensaun kona-ba síklu kultivasaun ho kalendáriu agrikultura MAP-SoL nian

Rekursu gratuitu seluk iha MAP-SoL nian website mak kalendáriu agrikultura MAP-SoL nian.

Mapa ida ne’e hatudu kona-ba tempu kuda ai-horis ou halo to’os tradisionál no serbisu halo to’os husi agrikultór Timorense iha fatin oioin iha teritóriu laran tomak.

Viqueque Waitame  ENG

Kalendáriu ne’e inklui impresaun lokál husi klimátika, kuda, koileta no prátika tradisionál iha parte agrikultura.

Hamutuk iha mapa bazeadu-suco 32 no mapa bazeadu-produtu 26 (kada distritu) mak disponível iha versaun Inglés.

Samuel haktuir katak kalendáriu ne’e kria iha tinan 2007 hanesan instrumentu ida ba estensionista sira, traballadór seluk iha kampo no ba dizeminasaun jerál informasaun agrikultura.

“Hirak ne’e hanesan rekursu ne’ebé diak tebes ne’ebé fó vizaun ou koñesementu kona-ba síklu kultivasaun agrikultór sira-nian.

“Kualker ema ne’ebé serbisu iha area agrikultura iha Timor-Leste tenke aranja tempu hodi haree kalendáriu hirak ne’e no halo planu ba sira-nia síklu projetu atu nune’e koresponde ho saida mak akontese iha komunidade agrikultór nia le’et,” tenik nia.

Haree kalendáriu agrikultura

 

Asesu ba rikeza dadus klimátika nian

Seeds of Life enkoraja sira seluk atu uja dadus klimátika ne’ebé iha, ne’ebé hanesan fonte online úniku ba dadus meteorolójika iha Timor Leste.

Climate data webpage

MAP- SoL rekolla no públika dadus kona-ba udan been, temperatura, radiasaun, umidade no velosidade anin kada minutu 10 iha fatin 20, no dadus udan been loroloron husi fatin 17. Ida ne’e presija manipulasaun pontu dadus klimátika liu husi milaun lima tinan-tinan.

Dadus udan been istóriku fulan-fulan disponível husi tinan 1914 no kobre fatin liu husi 60.

MAP-SoL mos kolabora ho departementu tolu ne’ebé diferente husi governu ne’ebé rekolla dadus  meteorolójika – Direcção Nacionál de Meteorolojica no Geofisica (DNMG), Agriculture, Land use and Graphic Information Systems (ALGIS), no Direcção Nacionál de Controllu Qualidade Água (DNCQA).

Haree pájina dadus klimátika

 

MAP-SoL komitidu atu rekolla dadus ba peskiza agríkula

Seeds of Life kontinua atu kolabora ho númeru organizasaun governo no organizasaun non-govermentais atu rekolla dadus ba peskiza agríkula, no mos halo disponível ba sira seluk.

Advisor MAP-SoL ba Sistema Kultivasaun, Samuel Bacon haktuir katak “ida ne’e importante tebes iha ambiente ne’ebé projetu implementa ba tempu badak deit no iha rotativu ne’ebé boot husi ema estranjéiru.

“Seeds of Life hanesan fonte informasaun ne’ebé detallu no rekoñesidu-diak, ne’ebé seluk bele uja ba dezeñu projetu ne’ebé efikás liu,” tenik nia.

1 Response » to “Karik imi hakarak atu hetan mapa”

Leave a Reply

You must be logged in to post a comment.