Pájina Informasaun Suco ba Dili no Oecusse

Pájina kompletu kona-ba Informasaun Suco ne’ebé inklui Dili no Oecusse, agora daudaun disponível ba asesu gratuitu iha Seeds of Life (SoL) nian Google Drive.

Asesu ba pájina informasaun husi Google Drive agora (la presiza login)

Pájina informasaun hirak ne’e produs iha lian Tetun deit no hanesan rekursu di’ak ba jerál, klíma no informasaun rai ba suco idaidak. Pájina hirak ne’e produs para bele imprimi koloridu oin kotuk iha surat tahan ho medida A3. Imi mos bele foti nia imajen no informasaun ba imi nia projetu, peskiza no aprezentasaun.

Ezemplu pagina informasaun ba suco Atauro Vila

Ezemplu pagina informasaun ba suco Atauro Vila

Iha informasaun importante iha pájina hirak ne’e nia laran, mak hanesan:

  • Estatístiku kona-ba populasaun no produtu agríkula husi dadus sensus tinan 2010
  • Mapa jerál kona-ba suco
  • Foto aerial (husi parte leten) ba suco ho nia estrada no baliza sira
  • Mapa zona agro-ekolójikal ida kombina hamutuk ho baliza basia hidrográfika
  • Udan been no temperatura fulan-fulan bazéia ba dadus  World climmodelled
  • Informasaun kona-ba impaktu husi El Nino no La Nina ba udan been fulan-fulan
  • Informasaun hidrojeolojia no mapa hatudu formasaun fatuk no rekursu potensiál bee
  • Estatístiku no mapa kona-ba klíma no mudansa klimátiku
  • Mapa rai no/ou informasaun jerál kona-ba rai
  • Mapa rai lolon kona-ba suco ho rekomendasaun agríkula.

Ba Oecusse no Dili-Atauro ami hatama ona informasaun jerál balun kona-ba pH rai, menus mikronutriente no kona-ba testura rai.

Ami mos fó sai kona-ba dadus sensus tinan 2010 nian hanesan kamada Google Earth, ne’ebé iha dadus agrikultura barak liu tan kompara ho ida ne’ebé imi hetan husi SIS ne’ebé fasil, click-mapeamentu interface.  Nune’e hetan kopía ida husi “Census Layers.kmz” no haloot iha My Places husi imi nia programa Google Earth para prontu atu sai hanesan referénsia.

Seeds of Life mos iha rekursu seluk ne’ebé iha nia benefísiu iha website no disponível ba asesu gratuitu hanesan kona-ba mapa, dadus klimátika, dadus rai, pamfletu klimátika, pamfletu agrikultura.

Leave a Reply

You must be logged in to post a comment.