Peskiza foun ba konsumu ai-han fuik iha Timor-Leste

Konsumu ai-han fuik hanesan estratéjia importante ida ba tinan hirak ne’ebé umakain agrikultór sira hetan rísku ai-han menus iha Timor-Leste, ne’ebé peskiza husi Seeds of Life konsege deskobre.

Iha tinan hirak ne’ebé ai-han la seguru, umakain agrikultór sira iha área rurais signifikamente buka ai-han fuik tanba sira-nia ai-han rezerva hotu sedu liu kompara ho tinan normal sira seluk.

In years of food deficit, farming families are more likely to forage for wild foods © Conor Ashleigh/Seeds of Life

In years of food deficit, farming families are more likely to forage for wild foods © Conor Ashleigh/Seeds of Life

Peskiza ho títulu ‘funsaun ai-han fuik iha seguransa ai-han: exemplu husi Timor-Leste’, publikadu online iha jornál Seguransa Ai-Han iha fulan Dezembru 2014.

Rezultadu bazéia ba komparasaun ai-han fuik ne’ebé uza husi estudu tolu:

  1. Estudu lonjitudinál ida kona-ba konsumu ai-han entre umakain agrikultór subsisténsia 14 iha distritu haat nia laran iha tinan 2006-07
  2. Levantamentu ida halo iha tinan 2011 ba umakain agrikultór 1,800 iha distritu 13 nia laran iha Timor-Leste
  3. Levantamentu ida ba umakain agrikultór 64 husi grupu komunidade habarak fini ualu iha distritu tolu iha tinan 2013

Peskiza hatudu katak nível buka ai-han fuik iha kualker tinan depende ba fatór balun hanesan: rezultadu produsaun husi ai-horis ne’ebé koileta ikus, nesesidade umakain, epoka/tempu ne’ebé buka ai-han fuik, no típu husi kobertura vegetal/ai-laran ne’ebé taka metin hodi fó apóiu ba ai-han sira ne’e atu moris.

Rezultadu hatudu katak konsumu ai-han fuik sa’e makaas iha tinan tomak nia laran liuliu akontese iha tempu bailoro (Maiu-Novembru) e depois iha tempu udan (Dezembru-Abril).

An elephant's foot yam (Maek in Tetun) growing in Ainaro © Sam Bacon/Seeds of Life

An elephant’s foot yam (Maek in Tetun) growing in Ainaro © Sam Bacon/Seeds of Life

Iha tinan ‘normal’ ida, 50% husi umakain agrikultór sira-nia ai-han rezerva baibain hotu iha fulan Agostu no iha umakain 9.2% deit mak konsumu ai-han fuik. Mezmu nune’e, iha tinan ne’ebé ai-han menus makaas no akontese tempu rai hamlaha, “batar ne’ebé haloot típikamente hotu iha fulan rua sedu liu tinan baibain, no 50% husi umakain ne’ebé hetan entrevista hahu buka ai-han fuik iha fulan Maiu nia laran”.

Ai-han fuik ne’ebé buka/konsumu kuaze oioin deit iha distritu hirak nia laran tanba diversidade bo’ot husi vegetal/ai-horis. Por exemplu, iha levantamentu tinan 2006-07, distritu Liquiça kuaze iha espesies ai-han fuik ne’ebé dóbru/dalarua wainhira kompara ho distritu Aileu, Baucau ho Manufahi.

Ai-han fuik ne’ebé maioria ema konsumu mak hanesan kumbili, maek, koto moruk no akar. Ai-han fuik signifikante sira seluk ne’ebé konsumu mak hanesan ai-farina boraisa, uhi, talas fuik, sukaer no lehe. Konsumu ai-han fuik hirak ne’e dalabarak inklui ai-farina isin ne’ebé tetak rahun habai halo maran, nia musan, funan, fuan no tahan.

Estratéjia seluk buka ai-han iha tempu rai hamlaha inklui diversifikasaun ai-horis, fa’an animal no riku soin sira seluk, no uja rede sosiál hodi fó apóiu.

Haree ba tempu oin mai, autór deklara katak ai-han fuik kontinua sai hanesan “ai-han importante atu kobre tinan hirak ne’ebé ai-han menus espesialmente ba umakain ne’ebé iha rísku nia laran, aumenta sira-nia kapasidade rezisténsia no hamenus sira-nia vulnerabilidade”.

Farmer Angelino Soares Nuno breaks open a wild sesame seed pod in Maliana, Bobonaro © Conor Ashleigh/Seeds of Life

Farmer Angelino Soares Nuno breaks open a wild sesame seed pod in Maliana, Bobonaro © Conor Ashleigh/Seeds of Life

Peskiza kompleta husi William Erskine, Anita Ximenes, Diana Glazebrook, Marcelino de Jesus da Costa, Modesto Lopes, Luc Spyckerelle, Robert Williams no Harry Nesbitt.

Haree artigu jornál seluk husi Seeds of Life.

 

Tabela 1. Ai-han fuik, parte hirak ne’ebé uja no preparasaun hanesan relata husi estudu respondente iha estudu lonjitudinál konsumu umakain, 2006-07

Wild foods TT.1 600pxWild foods TT.2 600px

1 Response » to “Peskiza foun ba konsumu ai-han fuik iha Timor-Leste”

  1. […] Peskiza foun ba konsumu ai-han fuik iha Timor-Leste […]

Leave a Reply

You must be logged in to post a comment.