Fehuk Midar Kain 150,000 Agora Daudaun Disponível

Fehuk Midar Kain 150,000 Agora Daudaun Disponível

Ministério da Agricultura e Pescas ho Seeds of Life iha fehuk midar kain 150,000 husi varidade ne’ebé lansa hanesan Hohrae 1, 2 ho 3 ne’ebé disponível atu distribui ba agrikultór no instituisaun sira iha fulan Janeiru ho Fevereiru nia laran.

Ba kualker agrikultór ou instituisaun ne’ebé iha interese ba fehuk midar kain hirak ne’e bele kontaktu ba Departementu Fini MAP nian iha Comoro, Dili, (Sr. Lucio Nuno – 7723 6690) ou ba Seeds of Life (Sr. Simão Margono Belo– 7700 6185).

Varidade oin tolu ne’e fó produsaun ne’ebé dóbru iha tempu badak (fulan 3-4), wainhira kompara ho varidade fehuk midar lokál (ne’ebé presija tempu fulan 7-8). Wainhira kuda varidade hirak ne’e maka bele halo koileta dala 3-4, enkuantu maioria ai-horis sira seluk koileta dala ida de’it.

Varidade oin tolu ne’e nia sabór kuaze midar no fó isin ne’ebé bo’ot, maibe diferensa iha kór no testura:

  • Hohrae 1: Isin laran kór mutin, han bokon, bele kuda iha elevasaun hotu-hotu (partikularmente iha elevasaun 500m ba leten ex. Aas liu fatin ne’ebé baibain ema kuda kafe), fa’an ho folin di’ak (lee nia brosúr iha lian Tetun)
  • Hohrae 2: Isin laran kór kreme, han rahun, di’ak ba matabisu, nia kain han di’ak no bele fa’an ho folin di’ak (lee nia brosúr iha lian Tetun)
  • Hohrae 3: Isin laran kór laranja, han bokon, kontem vitamina A makaas, fa’an ho folin di’ak (lee nia brosúr iha lian Tetun)

IMG_0019IMG_0020IMG_0014

 

 

 

 

 

 

 

 

Varidade hirak ne’e dezenvolve para atu adekuada ou adapta ho prátika halo to’os tradisionál iha Timor-Leste, ne’ebé la’os hybrida nune’e mos la’os varidade GMO. Laiha agrikultór ida mak tenke selu kustu ruma ba uza varidade SoL nian. Nia kain disponível husi:

  • Sentru Distribuisaun Kain Aileu (to’o deit fin de Janeiru)
  • Sentru Peskiza Betano (to’o de’it fin de Janeiru)
  • Baucau – Sentru Distribuisaun Kain Triloka
  • Bobonaro – Sentru Distribuisaun Kain Ritabou
  • Sentru Peskiza Loes

Seeds of Life kuaze distribui tiha ona fehuk kain liu husi 200,000 ba agrikultór ho grupu komunidade habarak fini sira iha teritóriu laran tomak dezde fulan Outubru 2013. Karik imi iha perguntas ruma ou hakarak atu hetan informasaun liu tan favor ida bele kontaktu ba ofísiu Seeds of Life iha númeru telemóvel 7796 3577.

1 Response » to “Fehuk Midar Kain 150,000 Agora Daudaun Disponível”

  1. […] Fehuk Midar Kain 150,000 Agora Daudaun Disponível […]

Leave a Reply

You must be logged in to post a comment.