Múzika ba sabór: fehuk midar kór roxo makaas no variedade sira seluk mai agora

Iha tempu badak sei mosu tan variedade oin iha Timor Leste husi fehuk midar, koto no hare ne’ebé agora dadaun koko hela hamutuk ho agrikultór liu husi 500 iha teritóriu laran kona-ba nia adekuasaun.

Wainhira variedade hirak ne’e aprezenta di’ak no iha benefísiu ba agrikultór Timorense sira, maka sei halo lansamentu ofisiál no distribui liu husi Sistema Fini Nasionál ba Variedade Ne’ebé Lansa iha tinan rua oin mai.

“Antes lansa, variedade hirak ne’e sei avalia para bele halo separasaun kona-ba nia karaterístiku hanesan sabór, produsaun di’ak, rezisténsia ba moras, kór, nutrisaun no fó valor husi konsumidór sira.” 

‘Baucau purple’ sweet potato © Alexia Skok/Seeds of Life

‘Baucau purple’ sweet potato © Alexia Skok/Seeds of Life

Red rice © Alexia Skok/Seeds of Life

Red rice © Alexia Skok/Seeds of Life

 

 

Variedade hirak ne’e hili liu husi testu no demonstrasaun iha to’os ne’ebé luan iha zona agro-ekolójiku hotu-hotu tanba variedade hirak ne’e hatudu rezultadu di’ak iha testu ne’ebé halo iha estasaun wainhira kompara ho variedade oin sanulu seluk durante tinan tolu ikus, tenik Koordenadór Peskiza, Luis Almeida.

“Variedade oin rua foti husi lokál no kuaze populer ona iha familia agrikultór sira-nia le’et kona-ba nia sabór no kór – variedade oin rua ne’e mak fehuk midar kór roxo ho hare mean ne’ebé rua ne’e mai hotu husi distritu Baucau.

“Ita nia testu ba variedade oin sia seluk iha estasaun, ne’ebé orijinalmente haruka mai husi rai liur, hatudu nível adaptasaun ne’ebé di’ak ba rai lokál no kondisaun tempu inklui prátika tradisionál agrikultór sira-nian,” tenik nia.

“Antes lansa, variedade hirak ne’e sei avalia para bele halo separasaun kona-ba nia karaterístiku hanesan sabór, produsaun di’ak, rezisténsia ba moras, kór, nutrisaun no fó valor husi konsumidór sira.”

Hirak ne’ebé aprova ba lansamentu sei aumenta tan ba variedade kualidade di’ak oin 12 hanesan batar, hare, fehuk midar, forerai no ai-farina ne’ebé lansa tiha ona husi Ministério da Agricultura e Pescas (MAP) durante tinan ualu ikus.

Ai-horis ne’ebé foin lansa mak Ai-luka 1, variedade ai-farina moruk ne’ebé di’ak ba objetivu industriais hanesan ai-farina tetak (kripik).

Variedade foun ne’e lansa husi Vice Ministro MAP, Sr. Marcos da Cruz iha dia 23 de Máiu 2014 iha eventu ne’ebé atende husi agrikultór liu husi 60, staff MAP-SoL no reprezentante husi ACIAR no CCT.

A simmering pot of mung beans © Alexia Skok/Seeds of Life

A simmering pot of mung beans © Alexia Skok/Seeds of Life

Looking inside a winged bean © Rob Williams/Seeds of Life

Looking inside a winged bean © Rob Williams/Seeds of Life

 

 

Variedade sira

Fehuk Midar
CIP 83 husi Potato Improvement Centre: Fehuk midar kór laran kinur neebe han maran liu uitoan Hohrae 3
‘Baucau purple husi Baucau: Variedade kór laran roxo makaas neebe kuda barak ona iha Baucau

Koto mean nani
Mwirasi
 husi Rwanda: Koto mean produsaun aas
RWV 1384 husi Rwanda: Koto mean produsaun aas. Funan sai ikus nia fuan naruk

Hare
N2 husi Baucau: Hare lokál mean ho produsaun liu médiu
M17 husi IRRI: Hare mutin ho rezultadu produsaun neebe konsistente no sabór di’ak

Foremunggu
Merpati husi the Indonesia National Program: Kulit nakukun, ho rezultadu produsaun no sabór neebe di’ak
Delta husi the Australian National Program: Kulit naroman, ho rezultadu produsaun no sabór neebe di’ak

Duhaen
Indo husi the Australian Tropical Crops and Forages Collection (ATCFC): Musan mutin, fuan matak
Thailand 6 husi ATCFC: Musan or kafe, fuan matak
Nigeria husi ATCFC: Musan kór kafe, ninin kór mean iha fuan neebe tuan

1 Response » to “Múzika ba sabór: fehuk midar kór roxo makaas no variedade sira seluk mai agora”

  1. […] Múzika ba sabór: fehuk midar kór roxo makaas no variedade sira seluk mai agora […]

Leave a Reply

You must be logged in to post a comment.